"مش محتاجين دعمكم"، مروان حمدي يهاجم منتقدي بيراميدز بعد التتويج الإفريقي

شنّ مروان حمدي، مهاجم الفريق الأول لكرة القدم بنادي بيراميدز، هجومًا لاذعًا على منتقدي الفريق ومَن وصفهم بـ"الشامتين"، وذلك بعد تتويج بيراميدز بلقب دوري أبطال إفريقيا لأول مرة في تاريخه، عقب الفوز على ماميلودي صن داونز الجنوب إفريقي.

واحتفل مروان حمدي بالإنجاز القاري لفريق بيراميدز عبر حسابه الرسمي على "إنستجرام"، مؤكدًا أن التتويج جاء بعد مشوار طويل وجهد كبير، وقال: "الحمد لله، احنا أبطال إفريقيا بعد تعب كبير جدًا وموسم عظيم لينا، ربنا كرمنا بأغلى وأهم بطولة، كسبناها عن استحقاق وبمجهودنا وتركيزنا وإصرارنا."

مروان حمدي: معلش للي كانوا منتظرين خسارتنا

وأضاف: "فخور جدًا بينا وبأخواتي، أحسن لاعيبة في مصر وإفريقيا، وأنضف شخصيات. كل فرد داخل منظومة بيراميدز يستحق الشكر، وشكرًا جدًا للجمهور المحترم اللي جاه ساندنا النهاردة، حقيقي كانوا ناس جميلة جدًا."

وتابع اللاعب تصريحاته قائلًا: "مفيش نادي في العالم بيزود جماهيره، لكن الشعبية بتتبني واحدة واحدة، والناس هتبقى تشجع بيراميدز، وأنا واثق في ده إن شاء الله."

ووجّه حمدي رسالة إلى المشككين في الفريق، قائلًا بسخرية: "وقتنا دلوقتي نستمتع، وعايز أقول معلش لأي حد كان عايز يشمت فينا أو كان بيتمنى نخسر. معلش جدًا، صعبان عليا والله."

كما وجّه رسالة نقدية للإعلام المصري، قائلًا: "ألف شكر لإعلامنا الجميل، المحايد، العسل، النموذج على النزاهة والأمانة في الشغل، وعلى اهتمامه ببيراميدز الفترة اللي فاتت، وإنه فريق مصري وصل نهائي إفريقيا وتغطية جميع أخباره ومتابعته."

واختتم مهاجم بيراميدز تصريحاته بتصعيد لهجته قائلًا: "والمناسبة، احنا مكاناش محتاجين دعمكم في حاجة، بس أنتم فعلاً واضحين جدًا للجميع، إلا من رحم ربي. لكن ده العادي من إعلامنا المعروف عنه إنه بيشتغل الشغلانة صح بمعايير الإعلام المضبوطة، مش بيخاف من حد ولا شغال مصالح شخصية وماشي مع القطيع. الحمد لله، وأخيرًا هاردلك لمشجعي صاندوانز الناطقين باللهجة المصرية."