أول رد من حسن شاكوش على منتقدي صوته بعد واقعة «الغناء مع الليثي»

رد مغني المهرجانات الشعبي حسن شاكوش، على حملة منتقدين صوته وغنائه في ظهوره الأخير، وتحديدا على مقطع الفيديو الذي ظهر من خلاله وهو يغني أغنية "وليه طيب"، لبهاء سلطان بمشاركة المغني محمود الليثي.

وكشف حسن شاكوش أن صوته متأثرًا بسبب دور برد شديد تعرض له وتسبب في تعب أحباله الصوتية، مشيرًا إلى أنه كان يشارك صديقه مغني المهرجانات "نور التوت"، في الاحتفال بزفافه.

حسن شاكوش يكشف سبب تدهور صوته في الفترة الأخيرة

وحرص حسن شاكوش على مشاركة متابعيه عبر حسابه الرسمي على مواقع التواصل الإجتماعي مقطع فيديو مختلف عن الذي ظهر به مع محمود الليثي، وكان هذا المقطع من فرح مغني المهرجانات الشهير بـ نور التوت"، وظهر بصوت نشاز أيضًا، ونسب حسن شاكوش هذا النشاز لتعرضه لوعكه صحية تسبب في تأثر أحباله الصوتية.

وكتب نصًا: "حبيت أوضح  حاجه بس، أنا مبحبش أطلع وابين إني تعبان وأقول على التعب اللي في صوتي والأحبال الصوتية عندي عامله كده ف صوتي ومخليني مش قادر اتكلم، بس ده كان فرح أخويا الصغير نور التوت وكان لازم اجي على نفسي وأغني لكن مقدرتش زي ما انتو شايفين".

واستكمل: "علشان بس الفديوهات منتشره والناس بتتريق وده من حقكم طبعا…بس الواحد لما بيجيلو دور برد عادي مبيقدرش يتكلم اصلا، وده الفيديو كمان عندي اهو".

وجاءت تعليقات الجمهور على منشور حسن شاكوش، تؤكد على الهجوم والانتقاد لصوته، وأكدت بعض التعليقات أن هذا الصوت العادي والمعتاد لحسن شاكوش.

وكانت التعليقات كالتالي:-

"لا احنا كلنا عارفين أن صوتك يقرف من غير برد مش محتاجين مبررات".

بس انت كدا كدا مبتعرفش تغني يا حسن يا شاكوش ياخويا .. سليم زي تعبان يعني الحالتين بالنسبالك 1

نور التوت يشكر حسن شاكوش

ومن جانبه، رد مغني المهرجانات نور التوت على منشور حسن شاكوش، ليشكره على مشاركته في حفل زفافه وكتب نصًا" يارب يخليك ليا يا أجدع خلق الله باين طبعا أنك  كنت تعبان سيبك من الكلام ده أنت حسن شاكوش".