ياسمين عز لـ الفتيات: الراجل بيبص على حاجات تانية غير بشرتك الزجاجية
وجهت الإعلامية ياسمين عز، مجموعة من النصائح للفتيات الراغبات في العناية بأنفسهن قبل الفرح بأيام قليلة، قائلة: "أنتي ليه بتقعدي ربع قرن من الزمان مبتهتميش ببشرتك وتيجي قبل فرحك بيومين عايزه دكتور الجلدية يخليكي جورجينا".
ياسمين عز لـ الفتيات: أنتي محتاجة تفتيح مخ مش تفتيح بشرة
وقالت ياسمين عز، خلال حديثها ببرنامج "كلام الناس"، المذاع على قناة إم بي سي مصر: "حقن نضارة إيه اللي هتخليكي تلمعي في يومين، أنتي محتاجة تفتيح مخ مش تفتيح بشرة، دكتور الجلدية مش ساحر وزهق من اللي بيشوفه من البنات اللي رايحاله قبل فرحها".
وأضافت: "اللي عايزه تبقى بشرتها زجاجية، الراجل بيبص على حاجات تانية خالص غير البشرة الزجاجية زي ثقافتك وتعليمك، وفي وصفات هايلة ممكن تعمليها في البيت باستمرار وحاطه رجل على رجل".
وتابعت: "كوباية المياه اللي بيشرب منها جوزك مترميهاش اغسلي وشك بباقي المياه اللي فيها مرة الصبح ومرة بالليل، وشك هينور وهيبقى زي الطبق المدور".
وأكملت: "عايزه سكراب لوشك خدي كوباية القهوة بتاعت جوزك اعملي منها تقشير طبيعي، لكن اللي أنتي شارباها لا، هتعملك التهابات وعكوسات في وشك، القهوة مهمة أوي للبشرة".
