«شوية صراصير».. أحمد دويدار يفتح النار على منتقديه بسبب تصريحاته عن المنتخب (فيديو)
شن أحمد دويدار نجم نادي الزمالك السابق، هجومًا حادًا على منتقديه بسبب تصريحاته عن أداء منتخب مصر خلال بطولة كأس العالم 2026 المقامة في أمريكا وكندا والمكسيك.
دويدار: لم أقلل من منتخب مصر بقيادة حسام حسن
قال ديودار في فيديو عبر صفحته الشخصية على فيسبوك: «فارس لجنة وأعوانه، شوية الصراصير اللي بتطلع من المجاري، على شوية قطيع بيصقفوله.. أنا معرفش الناس دي».
وتابع: «مش طبيعي أنتوا طلعتوا مرة واحدة كده في خلال سنتين تلاتة، والسوشيال تخليكم بني آدمين، اللي أنا عارفه الشقيان، واللي تعبان، واللي بيصحى الصبح يروح الشغل، واللي بيتعب، واللي بيروح شغله.. أنا أول مرة أشوف واحد بطل عن طريق السوشيال ميديا ولا عن طريق لايفات، ويتكلم على أي حد».
وأضاف: «أنت يا صرصار منك ليه، لما تيجي تتكلم على دويدار، قول اللي نفس قاله.. دويدار قال: حسام حسن أفضل مدرب مصري، ولازم نجدد له، عمل أداء مشرف، وكلنا فرحانين بأداء منتخب مصر».
وواصل: «أنا اتكلمت إني بعد حسن شحاتة، أول مرة أشوف منتخب مصر بالشكل الفني الكويس ده، سواء في الناحية الهجومية أو الناحية الدفاعية، قلت إن مصطفى شوبير حارس كبير ومستقبل مصر، وحارس من الحراس اللي هيكون لهم مستقبل، ولازم إنه يحترف بره مصر، قلت إن مروان عطية عمل بطولة كويسة».
وأكمل: «عمري ما اتكلمت في منتخب مصر عن الأهلي ولا عن الزمالك، طول عمري، حتى ليا جملة شهيرة جدًا، قلت: لو الأهلي كله لعب في منتخب مصر، برضه هشجع منتخب مصر».
وأردف: «أنت سيبت، يا ضلالي، يا مدلس، اللي أنا بتكلم عليه، أنت وشوية الصراصير اللي معاك، وأنت الصرصار الكبير اللي بتقودهم، وده معروف للجميع إن أنت لجنة، وبتقود حملات كلها ضلال وكذب وتدليس».
«أنا قلت إن منتخب مصر بيقدم أداءه مشرف، وحسام حسن عامل عظمة، ولعيبة منتخب مصر لعبوا لعب رجالة، لكن لسه موصلناش للإنجاز، لو أنت شايف إن الإنجاز إن إحنا نكسب ماتش، ده مش طبيعي ولا اللي كان قبل كده كان طبيعي؟ لما كنت تخرج من أفريقيا الوسطى، وإن أنت تطلع رابع مجموعة في كأس العالم، ده مش طبيعي، منتخب مصر، اسم كبير».
وأشار إلى قوة قائمة منتخب مصر قائلًا: «معاك محمد صلاح، وعمر مرموش، وزيزو أبو ميت مليون، وإمام عاشور، ومروان عطية، وحمزة عبد الكريم اللي لسه رايح برشلونة، وعندك مصطفى شوبير، عندك جودة لعيبة تقدر توصل لدور الـ16 ودور الـ8».
واختتم: «لو أنت شايف إن الإنجاز إن أنت كسبت ماتش، لا. أنا بالنسبة لي بقول وجهة نظري، بقول إن ده أداء مشرف، ولازم حسام حسن نجدد له، لكن لسه موصلناش لمرحلة الإنجاز».
اقرأ أيضًا:
محمود صابر: أشعر بالفخر لتواجدي في كأس العالم.. ونخوض مواجهة إيران بهدف الفوز
موعد مباراة مصر وإيران والقنوات الناقلة في كأس العالم 2026
تركيا تودع مونديال 2026 بفوز على أمريكا في مباراة مثيرة (صور وفيديو)
تابع موقع الأيام المصرية عبر تطبيق (فيسبوك) اضغط هــــــــــنا
تابع موقع الأيام المصرية عبر تطبيق ( الأيام نيوز) اضغط هــــــــــنا
تابع موقع الأيام المصرية عبر تطبيق (تويتر) اضغط هــــــــنا
موقع الأيام المصرية، يهتم موقعنا بتقديم خدمة صحفية متميزة للقارئ، ونقدم لكم خدمة ومتابعة شاملة ومجموعة كبيرة من الأخبار داخل الأقسام التالية، أخبار، رياضة، فن، خارجي، اقتصاد، الأيام TV، حوادث، خدمات مثل سعر الدولار، سعر الذهب، أخبار مصر، سعر اليورو، سعر العملات ، جميع الدوريات.
