حقيقة دعم فيلم "أسد" لحركة الأفروسنترك.. المخرج محمد دياب يحسم الجدل

الجمعة، 15 مايو 2026 02:05 م

خرج المخرج محمد دياب في أول رد له على إداعاءات اتهام فيلم “أسد” بدعم حركة الأفروسنترك، موضحا أن أحداثه تبدأ بخطف عبيد من أفريقيا على يد قراصنة إنجليز وبيعهم في مصر، ما ينفي الادعاءات المتعلقة بأصول الحضارة المصرية.

وأضاف أن الفيلم يكشف «وهم الأفروسنتريك»، كما نفى ما تردد عن ارتباط الفيلم بثورة الزنج في العصر العباسي، مؤكدا أن الأحداث تدور في منتصف القرن الـ19، خلال فترة إلغاء العبودية في مصر.

وكتب عبر حسابه الشخصيى على موقع فيسبوك :"أسد بيدعم افكار الافروسنترك؟ أفروسنتريك معناها ادعاء ان المصريين اللي في مصر حاليا غزاه و الحضاره المصريه أصلها أفريقي بناها الأفارقه، و ده كلام فارغ طبعاً.

أي شخص اتفرج علي فيلم أسد شاف ان اول مشهد في الفيلم العبيد اللي في الفيلم بيتخطفوا من افريقيا علي يد قراصنه انجليز و بعدها بيتباعوا في مصر. يعني العبيد اللي في الفيلم مش من اصل مصري و ده بينسف الاتهام الباطل ده في اول مشهد في الفيلم! ده بالعكس ضده.

فيلم فرعوني يكشف وهم الافروسنتريك

وأضاف: "شخصياً عندي فيلم فرعوني شغال عليه و اعلنت عنه قبل كده بيكشف وهم فكره الافروسنتريك تماماً، و دي قضيه مهمه فعلاً، بس بستأذن كل الوطنيين اللي خايفين علي مصر من اي مؤامرات ممكن نتأكد قبل ما تتهموا ناس في صفكوا؟

وتابع :"صناع فيلم أسد مصريين ناس وطنيين عملوا الفيلم بتفاني و اشتغلوا عليه ٣ سنين و صوروه بالكامل في مصر بإيادي مصريه و قدموا منتج بشهاده الجميع يساوي الاعمال العالميه في الجوده، محتاجين دعمكوا عشان السينما المصريه صناعه وطنيه ناجحه، تأثيرها مش مادي فقط بل هي قوه ناعمة مهمه لنشر الثقافه و الوعي المصري.

مصر كانت أول دولة في المنطقة تلغي العبودية

واختتم كلماته:" الكلام اللي كانت بتتناقله الصحافه عن أن الفيلم عن ثوره الزنج في العصر العباسي عاري من الصحه و عمره ما خرج من حد من صناع الفيلم. أسد بيتكلم عن منتصف القرن التاسع عشر لما مصر كانت أول دوله في المنطقه تلغي العبوديه و ازاي القرار ده في وقتها عمل زلزال اجتماعي، بدعوكوا كلكوا تتفرجوا علي الفيلم و طبعا النقد مرحب بيه، بس بستأذنكوا يكون نقد لحاجات موجوده في الفيلم.

اقرأ أيضاً