تاجرة مخدرات.. أول تعليق من منة فضالي على خادمتها الأجنبية

السبت، 02 مايو 2026 04:29 م

كشفت الفنانة منة فضالي أسرارا جديدة عن خادماتها بعد إتهامها بالسرقة، وتقديمها بلاغا رسميا للجهات الأمنية، وذلك عبر حسابها الشخصي على موقع التواصل الإجتماعي فيسبوك.

وكتبت: "البنت دي بقالها عندي سنه وشهرين اسمها سميرة، ومش معاها باسبور وقولتلها هاتي باسبور أعملك إقامة قالتلي محتاجة يومين إجازة طلبت المكتب ييجي ياخدها على أساس أنها حتروح تجيبلي باسبورها وادتها تليفون علشان معهاش تليفون، علشان أعرف أكلمها، أول حاجه محبتش حد يعرف عنوانها وخليت المكتب يوصلها في مكان بعيد وواحدة جات أخدتها منهم وبعدين التليفون اتقفل وعملت بلوك ليا ولأمي".

سارقه كل حاجه من البيت عن طريق اكياس القمامه السوده

وأضافت: “اكتشفنا بعدها إنها سارقة كل حاجة من البيت عن طريق أكياس القمامة السودا، وهي خارجة من عندنا كان معاها شنطتها الصغيرة، بعد كده لقيناها واخدة حلق وخاتم أمي الذهب وسلسلة ذهب كبيرة وسارقة هدوم كتير من عندي وشنط غالية و3 ساعات، كلمت المكتب وهما حاولوا يوصلونها راحت مخلية واحدةة تزعق معاهم وعملت للمكتب بلوك، ودي صورها ببعض الحاجات اللي سرقتها من عندي، والست دي هي المسؤوله عنها، حاولت اتواصل معاها قفلت في وشي وعملت بلوك”.

وتاعبت منة فضالي: “روحت القسم وعملت محضر بالمسروقات وادتهم رقم باسبورها، وإن شاء الله يعرفو يجيبوها، المشكلة إني عرفت بعد كدا إن البنت دي بتشتغل مع حد في نيجيريا بتاع مخدرات، وأنها متصابة كذا مرة بالرصاص”.

جربت مصريين كتير و منهم اللي اتهجمت علي امي و هي لواحدها

واختتمت: “تقولولي وإيه اللي يخليكي تشغلي واحدة أجنبية أقولكم لان جربت مصريين كتير، ومنهم اللي اتهجمت على أمي وهي لوحدها وأنا كنت في التصوير، وفي اللي كانت أخلاقها مش حلوة، وفي اللي كانت بتصورني وأنا قاعدة وتبعت للناس صوري، فقولت خليني أجيب حد لا يعرفني ولا يعرف لغتنا، ويمكن يكون أحسن مع أن في مصريات كتير كويسين بس مش بيرضوا يباتو، وأنا لازم حد يكون مع أمي طول ما أنا في الشغل، لأني مقدرش أسبها لواحدها، أنا بنزل الكلام ده وربنا يعلم أنا كنت بحب البنت دي قد إيه لكن اكتشفت حقيقي اتقي شر من أحسنت إليه، لو حد بيتعامل مع الست دي خلي بالكم ، وإن شاء الله القانون هيجبلي حقي منها لله”.

اقرأ أيضاً