جحود الأب.. فيديو الاعتداء على طفلين في دمياط يثير موجة غضب

السبت، 02 مايو 2026 06:30 ص

وثقت سيدة خلال مقطع فيديو واقعة اعتداء مروعة على أطفالها من قبل طليقها، خلال الرؤية بمحافظة دمياط، مؤكدة أن الأب اعتاد ضرب الطفلين بشكل متكرر.

وتداول رواد مواقع التواصل الاجتماعي مقطع الفيديو على نطاق واسع، الأمر الذي أثار غضب عدد كبير من المواطنين مطالبين بسرعة التدخل واتخاذ الإجراءات القانونية حيال الأب.

وعلقت السيدة على مقطع الفيديو قائلة: “السلام عليكم ورحمه الله وبركاته ده أبو ولادي منفصله من ثلاث سنين ما سالش عنهم طول هذه الفتره بدون نفقه على أولاده وهو مقتدر ماديا صاحب معارض في دمياط رفعت تمكين ورفعت نفقه بعد الثلاث سنوات لما لقى بدا يتحكملي بالنفقه اللي هي 500 جنيه”.

وأضافت: “أخذت التمكين رفع رؤيه من خمس شهور وبنروحها بانتظام ومن أول يوم في الرؤية وهو شغال على ودان الأولاد تعالوا عيشوا معايا وانا هصرف عليكم وكل اما يروحوا له يقرص فيهم ويقعد يضرب فيهم من تحت لتحت وابني الكبير وابني الصغير اللي في الفيديو اللي بيتضرب اشتكوا لي كذا مره وبقوا مش عايزين يروحوا لكن للاسف انا بقعد اهدي فيهم ومعلش يمكن هو ده هزاره وهو هزارو تقيل شويه احنا لازم نروح يوم الجمعة”.

وتابعت: “جينا في يوم كنت قاعدة وكان معايا والدتي اخذ الاولاد في حته كده مداريه في النادي من ورا ولقيت ابني خارج لي قاعد يكح وماسك رقبته جامد وحوالين رقبته احمر كان قاعد معايا ناس شافوا شكل ابني وهو خارج كده وانا اللي اعرفهم ولا يعرفوني بقول لابني مالك في ايه قال لي ده مسك رقبتي وخنقني جامد وكنت هرجع وكنت هرجع في ايده ونفسي اتقطع وهو كان قاعد يضحك”.

وأوضحت: “اخذت ابني ورحت عملت محضر وجات معايا البنت اللي شافته ووالدتها وكان في حد ثاني شهدوا معايا عملت اثبات حالة بعدها جاب والدته اتطولت عليا وقله ادب وشتايم تجنبت انا المشاكل وما عدتش بروح الرؤيه دي خالص ووالدتي بقت بتيجي كل جمعة هي اللي بتوديهم الرؤية من شهرين النهارده الجمعه بتاريخ 1/5 حصل اللي في الفيديو اللي حضرتكم شايفينه”.