أول رد من العوضي على سر وصفه لـ يارا السكري بـ "شمسها حامية"
حل أحمد العوضي ضيف برنامج “ميرور” لقاء مع الإعلامي خالد فرج واتكلم العوضي عن سر القبول وقال إن فيه ممثلين كتير عندهم جمال وموهبة وبياخدوا أدوار بطولة لكن أعمالهم بتعدي عادي من غير ما حد يحس بيهم وفي المقابل فيه ناس بتظهر في أدوار محدودة وبتعلم مع الناس جدا وأضاف إن الفرق في النور اللي عند الفنان وقدرته إنه يشد العين ووصف ده بإن فيه نجوم ممكن يتكلموا كتير ومحدش يسمعهم وناس تانية بجملة واحدة بيقلبوا الدنيا وبيعملوا جدل واسع
تعليق أحمد العوضي علي وصفه لـ يارا السكري بـ شمسها حامية
ووضح العوضي الحكاية ورا جملة "شمسها حامية" اللي وصف بيها الفنانة يارا السكري وأكد إن المقصود مش مجرد شكل حلو أو موهبة بس لكن الموضوع أكبر من كدة ومرتبط بالحضور الطاغي والتأثير الحقيقي اللي الفنان بيسيبه عند الجمهور من أول لحظة يظهر فيها
مشوار يارا السكري من فهد البطل لعلي كلاي
وعن تجربته معاها قال العوضي إنه مبيحبش يقيم نفسه لكن بيتكلم من واقع شغله مع يارا وإنه كان أول واحد يكتشفها ويقدمها للدراما التليفزيونية من خلال مسلسل “فهد البطل” وبعدها وثق في إمكانياتها واداها دور البطولة النسائية في مسلسل “علي كلاي”
بصمة شخصية "روح" وردود أفعال الجمهور
العوضي أشاد جدا بيارا السكري وقال إنها بتجمع بين الجمال واللباقة والطلة المميزة قدام الكاميرا ودي صفات قليل لما بنلاقيها متجمعة في فنانة واحدة وكمل كلامه بإن رد فعل الجمهور على أدائها كان ملفت جدا خصوصا في شخصية روح بمسلسل علي كلاي لدرجة إن ناس كتير عبروا عن حزنهم لما دورها خلص وده بيأكد إنها نجحت تسيب بصمة حقيقية وتأثر في الناس
اقرأ أيضًا:-
شاهد بث مباشر برنامج رامز ليفل الوحش الحلقة 29 HD
مواعيد عرض مسلسل "بابا وماما جيران" والقنوات الناقلة
تابع موقع الأيام المصرية عبر قناة (يوتيوب) اضغط هــــــــــــنا
تابع موقع الأيام المصرية عبر تطبيق (فيسبوك) اضغط هــــــــــنا
تابع موقع الأيام المصرية عبر تطبيق (تويتر) اضغط هــــــــنا
موقع الأيام المصرية، يهتم موقعنا بتقديم خدمة صحفية متميزة للقارئ، ونقدم لكم خدمة ومتابعة شاملة ومجموعة كبيرة من الأخبار داخل الأقسام التالية، أخبار، رياضة، فن، خارجي، اقتصاد، الأيامTV، حوادث، خدمات مثل سعر الدولار، سعر الذهب، أخبار مصر، سعر اليورو، سعر العملات، جميع الدوريات.
