نجم الزمالك يستغيث: أعيش بلا دخل والجميع تخلى عني
تحدث حسام عبدالمنعم نجم نادي الزمالك السابق عن معاناته بعد ابتعاده عن الأضواء خلال الفترة الماضية وتفاصيل الأزمة المالية التي يمر بها مؤكدًا أنه لم يتلقى أي دعم أو مساندة من القلعة البيضاء.
حسام عبدالمنعم يستغيث بسبب الأزمة المالية
قال حسام عبدالمنعم في تصريحات إذاعية: “رغم إني كنت لاعب دولي في الزمالك، عايش من غير دخل ولا مصدر رزق يسترني ويستر أولادي الخمسة”.
سنين وأنا قاعد عاطل من غير شغل، من بعد ما كنت فى عز الشهرة والمجد، حاليا بعيش أصعب فترة في حياتي، الوجع كبير لدرجة إن أبويا اللي كان بيفتخر بيا زمان مرة بكى على حالي وقاللي: «ًيا ريتك ما لعبت كورة »!
وتابع: "نادي الزمالك ماعملش معايا حاجة، والكل خذلني، عايش لوحدي في بحر واسع من غير مجداف، أنا دلوقتي مليش غير ربنا وبقوله فك كربي، انت اللي هتسترني، وتُجبر كسري ومش هتخذلني زي ما الناس خذلوني."
وأضاف: المجال الرياضي مش حلو خالص، ومش عارف أشتغل فيه، وأنا طول عمري معرفش غير الكورة شغلانتي وقاعد في البيت مش بشتغل، وأنا عندي زوجتين و5 أطفال محتاجين مني كل حاجة".
وواصل: مليش صاحب ولا صديق في الزمالك رغم إني قضيت أفضل سنين عمري جوه النادي، صاحبي وصديقي هو ربنا وطول الوقت بكلمه وأعيط، دلوقتي محدش بيسأل عليا من اللي كنت بلعب معاهم ولا حد بيكلمني".
وأكمل: "أنا خريج كلية سياحة وفنادق، بس الحقيقة إني معرفش عنها حاجة، طول عمري من وأنا عندي 8 سنين وأنا معرفش غير الكورة، لعبت 8 سنين في النادي الأهلي وبعده الزمالك، جيلي في الناديين كله أسماء كبيرة".
وأردف: رغم كل ده، أنا دلوقتي قاعد بعيد عن الملاعب، بعيد عن الأضواء، واللي كان زمان حلمي الكبير بقى دلوقتي ذكرى".
مفيش حد من مسئولي الزمالك فكر إنه يتواصل معايا ويسأل عليا وعلي حالي، ومحدش فكر إنه يقدرني أو يكرمني في النادي اللي أنا أديته من عمري وصحتي.
واختتم عبدالمنعم تصريحاته قائلًا: "راحت الشهرة، وراحت النجومية والفلوس والجماهير والصحافة والتليفزيون والمجد .. كله راح .. ربنا بس هو اللي فاضل معايا، هو الباقي .. سبحانه".
اقرأ أيضًا:
منتخب مصر ينهي إجراءات انضمام هيثم حسن لمعسكر مارس
هل اعتنق هالاند الإسلام؟ فيديوهات نجم مانشستر سيتي تثير الجدل
رقم سلبي تاريخي لمحمد صلاح بعد التعادل مع توتنهام بالدوري الإنجليزي
تفاصيل إصابة زيزو وديانج خلال مباراة الترجي وموقفهما من موقعة الإياب
- تابع موقع الأيام المصرية عبر تطبيق (فيسبوك) اضغط هــــــــــنا
- تابع موقع الأيام المصرية عبر تطبيق ( الأيام نيوز) اضغط هــــــــــنا
- تابع موقع الأيام المصرية عبر تطبيق (تويتر) اضغط هــــــــنا
موقع الأيام المصرية، يهتم موقعنا بتقديم خدمة صحفية متميزة للقارئ، ونقدم لكم خدمة ومتابعة شاملة ومجموعة كبيرة من الأخبار داخل الأقسام التالية، أخبار، رياضة، فن، خارجي، اقتصاد، الأيام TV، حوادث، خدمات مثل سعر الدولار، سعر الذهب، أخبار مصر، سعر اليورو، سعر العملات ، جميع الدوريات.
