مي القاضي ترد علي فيفي عبده: لو الفن حرام مش هسيبه

الثلاثاء، 03 مارس 2026 03:41 م

علقت الفنانة مي القاضي، على هجوم الفنانة فيفي عبده عليها، بعد تقديمها لدور راقصة في مسلسل العتاولة، والذي أثار جدلًا.

وقالت مي القاضي، خلال لقاؤها ببرنامج "كشف حساب" الذي تقدمه الإعلامية انجي هشام على شاشة هي: “شفت أن الجمهور حب الرقص جدا والبنات كانت بتقلده، وانا قعدت خمس شهور عشان اتعلم حركتين تلاتة من أجل العتاولة”.

وتابعت مي القاضي: “أنا عملت كل المجهود اللي اقدر عليه كشغل، وفيفي عبده كان كلامها عن أن ليه الممثلات تعمل راقصات والرقص له ناسه.. طب ما أنا ممثلة ودوري أعمل أي دور الراقصات هما المفروض ميمثلوش، وانا مفكرتش أعاتبها لأن متقابلناش الا في مشهد واحد في العتاولة، وأنا استغربت التصريح جدا”.

مي القاضي: الفن ليس حرام

علقت الفنانة مي القاضي، على حرمانية الفن، مؤكدة أنها لن تتركه مهما حدث لأنها تحب مهنتها وتنوي تقديم الكثير من الأدوار المختلفة فيها.

وأضافت مي القاضي، “معرفش الفن حرام ولا حلال، نفسي يكون الفن حلال، أوقات بقول يا ترى حلال ولا حرام، فـ ليه يبقى حرام؟.. انا بحبه ومش شايفه انه حاجة غلط ولا اللي شغالين فيه غلط، شغلانة متعبة وفيها قيود، وربنا مقالش الفن حلال ولا حرام”.

وأكملت مي: “ انا مفكرتش أعتزل وارتدي الحجاب ولا مرة وبشوف اللي عملوا كده خطوة كويسة وعايزين يقربوا من ربنا بعد مشوار، أنا لسه في حاجات كتير نفسي اعملها ومشبعتش من التمثيل”.

وتابعت مي: “الفن لو حرام؟ مش هسيبه عشان أنا بحبه، لازم اكون مقتنعه ومافيش حاجة غلط بعملها او اقتنع بكلام اللي بيتكلم، كمان انا شايفه إن الدنيا ابسط من كذه بكتير الدين عايزنا منكذبش ولا نسرق في ناس قافلين علي نفسهم مبيخرجوش ولا بيسمعوا اغاني مبحبش أبقى كده مبحبش التطرف”.

برنامج “كشف حساب"

ويذكر أن برنامج “كشف حساب" تقدمه الإعلامية إنجي هشام خلال شهر رمضان على شاشة “هي”، من الأحد إلى الأربعاء، في تمام الساعة 12 بعد منتصف الليل، وتستضيف من خلاله عددًا من نجوم الفن، والذين يكشفون العديد من الحكايات الخاصة لأول مرة.

تابع موقع الأيام المصرية عبر تطبيق (تويتر) اضغط هــــــــنا

موقع الأيام المصرية، يهتم موقعنا بتقديم خدمة صحفية متميزة للقارئ، ونقدم لكم خدمة ومتابعة شاملة ومجموعة كبيرة من الأخبار داخل الأقسام التالية،أخبار،رياضة،فن،خارجي،اقتصاد،الأيامTV، حوادث، خدمات مثلسعر الدولار،سعر الذهب،أخبار مصر،سعر اليورو،سعر العملات ،جميع الدوريات.