اللي عملته مش غلط ولا حرام ، أول رد من عبد المنصف بعد ازمته مع لقاء الخميسي

الأحد، 22 فبراير 2026 02:33 ص

بعد الأزمة الأخيرة اللي عاشتها الفنانة لقاء الخميسي مع زوجها كابتن محمد عبد المنصف بعد أن أعلنت إحدى الفنانات زواجها من عبد المنصف لمدة 7 سنوات سرًا، ثم إعلانها الطلاق منه، مؤكدة أن الزواج تم بعلم الأهل من قبل الطرفين.

أول رد من عبد المنصف بعد أزمة زواجه سرًا

حلّ عبد المنصف ضيف برنامج ورا الشمس مع الإعلامية ياسمين الخطيب، وتحدث خلال الحلقة عن هذه الأزمة وتفاصيل يوضحها لأول مرة، حيث علّق على إخفائه الزواج لمدة 7 سنوات عن زوجته الأولى، وقال: أنا مش خبيت 7 سنين بس، ناس كتير أوي ممكن تكون بتعمل كده، بالذات الرجالة، لأنهم بيخفوا على مشاعر الست وبيحافظوا على بيتهم.

https://www.facebook.com/share/v/18k3UpzBhW/?mibextid=wwXIfr

ويستكمل كلامه: مين الست اللي هتقبل إن جوزها يقول لها أنا هتجوز عليكي؟ فاللي بيعمل كده بيكون حريص إن ميحصلش تصادم ولا انفصال، ومكنتش ببات برا بيتي طوال الـ7 سنوات غير قليل جدًا، لكن كنت بسافر كتير بسبب شغلي، ومكنتش بخرج مع مراتي التانية كتير غير لو وسط جروب، واللي عملته مش غلط ومش حرام.

سبب إعلان طلاق عبد المنصف من زوجته التانية ايمان الزيدي

وحول سبب إعلان زوجته خبر ارتباطهم وطلاقهم بعد 7 سنوات، حيث قال "عبد المنصف "ده حصل لأننا اختلفنا في وجهات النظر، فحصل كده، لكن الخلاف مكنش بخصوص الخِلفة، واللي حصل تحديدًا إن لقاء في أحد المهرجانات حد قال لها إني مرتبط، وهي مصدّقتش، ولما رجعت واجهتني وقلت لها إن ده حقيقي محبتش أكدب عليها، وبعد ما قلت لها حالتها النفسية كانت سيئة جدًا، لأن دي صدمة بالنسبة لها، لكن ده طبيعي وأنا احتويتها وكنت هادي جدًا.

https://www.facebook.com/share/v/1Zdt7RNYEV/?mibextid=wwXIfr

واستكمل حديثه قائلًا: لقاء مطلبتش مني أطلق الزوجة التانية، لكن طلبت إني أطلقها هي، لأن ده رد فعل طبيعي جدًا عند أي ست، ورد فعل متوقع، لكن أنا بعدت عن البيت فترة طويلة لغاية ما تهدى، وفي الفترة دي حصل خلافي مع إيمان، ولهذا السبب أعلنت ارتباطنا.

وأضاف: إحنا اتكلمنا مكالمة طويلة جدًا قبل إعلان الخبر، ووصلنا لمرححلة من عدم التفاهم، خصوصًا بعد ما لقاء عرفت، بقى الوضع غير مستقر، وده مكنش رد فعل انتقامي منها، ده كان رد طبيعي، لأن إحنا انفصلنا، كان لازم الناس تعرف، ودي ست كانت على ذمتي وليها كل الاحترام والتقدير.

لما طلق عبد المنصف زوجته التانية ايمان الزيدي

علّق عبد المنصف على طلاقه من زوجته التانية وهل ده يعتبر تضحية بيها، حيث قال أنا مضحيتش بيها، بس كنا وصلنا لمرحلة إننا خلاص مش قادرين نتفاهم، وأنا شايف إن صعب على الزوجة الأولى إني أبقى في حياتي زوجة تانية، فمكنش ينفع الموضوع يكمل.