عايزه يبقى تريند حقيقي مش مزيف، مؤلف مسلسل"روج أسود" يرفض الترويج المدفوع

الأربعاء، 18 فبراير 2026 02:33 م

كشف السيناريست أيمن سليم، مؤلف مسلسل “روج أسود”، عن موقفه من أساليب الترويج المعتادة للأعمال الدرامية، مؤكدًا أنه وفريق العمل لن يلجأوا إلى المسابقات أو الدعاية المدفوعة لجذب المشاهدين، بل يراهنون على تفاعل الجمهور وثقته في فريق العمل.

وجاءت تصريحات سليم عبر صفحته الرسمية على فيسبوك، تزامنًا مع عرض الحلقة الأولى من العمل على شاشة قناة النهار وقناة النهار دراما اليوم.

رسالة من مؤلف “روج أسود” قبل عرض الحلقة الأولى

وكتب سليم عبر حسابه الرسمي على موقع فيسبوك: “خبر صادم و حزين هقولهولكم ،للأسف الشديد مافيش مسابقات هتتعمل لمسلسل روج أسود و لا دعايا مدفوعة الأجر و مش هنقدر ندفعلكوا فلوس علشان تتفرجوا علينا بس كل اللي أقدر أقوله هو إني راعيت ربنا و لفيت كتير أوي علشان المسلسل ده يخرج للنور ، دفعت فيه سنين و محاولات كتير باءت بالفشل و إحباطات و صراعات علشان في ناس عايزين يفطسوني و ماطلعش بس ثقتي كبيرة في ربنا و فيكم”.

واضاف: “نفسي نفعل هاشتاج روج أسود على بروفايلاتنا و المسلسل يطلع تريند حقيقي مش مزيف و لا بالفلوس ، المسلسل بيحاول يقلل نسب الطلاق المرتفعة ، ساعدونا نقلل عدد ستات مصر في محاكم الأسرة و نحط إيدينا على المشاكل اللي بتواجه المرأة فعلًا زي العنف المنزلي و التحرش و الخيانة الزوجية و تعدد الزيجات و الحضانة و النفقة و غيرهم”.

واختتم: “ يا ريت أي حد إتفرج و عجبه المسلسل مايكسلش يساعدنا نتشاف أكتر و يشاركنا بدعمه و كمان كل ست تقدر تحكيلنا حكايتها و تقولنا هي شبه مين في مسلسل روج أسود، الحلقة الأولى هتبدا على قناة النهار النهاردة الساعة ٩ و على النهار دراما الساعة ١٠ ، دعواتكم”.