2 مارس، محاكمة سارة خليفة في واقعة اتهامها بتصوير شخص داخل غرفتها

الإثنين، 16 فبراير 2026 04:14 م

حددت محكمة الاستئناف بالقاهرة الجديدة جلسة 2 مارس المقبل، لبدء أولى جلسات محاكمة المذيعة سارة خليفة، على خلفية اتهامها بتصوير أحد الأشخاص داخل غرفة نومها بمنطقة التجمع.

وفي سياق متصل، قررت محكمة جنايات القاهرة، المنعقدة في القاهرة الجديدة، تأجيل نظر القضية المتداولة إعلاميًا بشأن تصنيع المواد المخدرة، وتعد سارة خليفة من بين المتهمين الرئيسيين فيها، إلى جلسة 28 فبراير الجاري لاستكمال إجراءات المحاكمة.

تفاصيل محاكمة سارة خليفة وآخرين

واستمعت هيئة محكمة جنايات القاهرة الجديدة لأقوال ناصر عيد رمضان، حارس عقار، حول المتهم السادس عشر بصفته شاهد نفي في قضية المخدرات المتهم فيها سارة خليفة وآخرين
ووجهت له المحكمة سؤال حول صلته بالمتهم السادس عشر في القضية؟ أجاب الشاهد:" أنا معرفش اسمه كامل غير أن اسمه هاني ومعرفش الواقعة حصلت امتى، واللي أعرفه عنه أنه ساكن في العمارة عندي في حدائق الأهرام من حوالي 3 أو 4 أو 5 شهور" .

وأكمل: اللي أنا فاكره إنه غاب عن البيت 5 أيام ورجع بس مش متذكر التاريخ ولما وصل دخل عربيته الجراش وقالي هاتلي المكوة، ولما روحت مراتي طلبتني وقالتلي في ناس عايزينك.

وأكمل: ولما روحت سألوني عن هاني ساكن فين، وبعدين طلعوا كسروا الباب ودخلوا يفتشوا وأخدوا التليفون بتاعي ولما طلعوا رجعهولي، قعدوا ساعتين تقريبًا وبعدين أخدوه في العربية اللي كانت في الجراش ومشيوا وهما اللي قفلوا الباب.