جنايات القاهرة تؤجل محاكمة سارة خليفة وآخرين إلى 28 فبراير

الخميس، 05 فبراير 2026 08:00 م

قضت محكمة جنايات القاهرة، اليوم الخميس، بتأجيل محاكمة سارة خليفة و 27 شخصًا آخرين، يتهمة تكوين تشكيل عصابي لجلب وتصنيع المواد المخدرة من الخارج، وتصنيعها داخل مصر إلى جلسة 28 فبراير.

تفاصيل محاكمة سارة خليفة وآخرين

واستمعت هيئة محكمة جنايات القاهرة الجديدة لأقوال ناصر عيد رمضان، وهو حارس عقار، حول المتهم السادس عشر بصفته شاهد نفي في قضية المخدرات المتهم فيها سارة خليفة وآخرين
ووجهت له المحكمة سؤال حول ما هي صلته بالمتهم السادس عشر في القضية؟ أجاب الشاهد: أنا معرفش اسمه كامل غير أن اسمه هاني ومعرفش الواقعة حصلت امتى، واللي أعرفه عنه أنه ساكن في العمارة عندي في حدائق الأهرام من حوالي 3 أو 4 أو 5 شهور.

وأكمل: اللي أنا فاكره إنه غاب عن البيت 5 أيام ورجع بس مش متذكر التاريخ ولما وصل دخل عربيته الجراش وقالي هاتلي المكوة، ولما روحت مراتي طلبتني وقالتلي في ناس عايزينك.

وأكمل: ولما روحت سألوني عن هاني ساكن فين، وبعدين طلعوا كسروا الباب ودخلوا يفتشوا وأخدوا التليفون بتاعي ولما طلعوا رجعهولي، قعدوا ساعتين تقريبًا وبعدين أخدوه في العربية اللي كانت في الجراش ومشيوا وهما اللي قفلوا الباب.

من جانبه استمعت هيئة محكمة جنايات القاهرة الجديدة، المنعقدة بمجمع محاكم القاهرة الجديدة، إلى أقوال المتهم السادس عشر في قضية سارة خليفة.
واستهل المتهم السادس عشر حديثه أمام هيئة المحكمة: أنا معايا 25 متهم في القفص معرفش فيهم ولا واحد، ولما الشرطة قبضت عليا سألتني تعرف المتهم الـ 15 منين،والضابط اللي شهد أنه تعرف عليا لم يكن متواجد ضمن أفراد القوة.

وأضاف المتهم السادس عشر خلال حديثه: أنا كل ذنبي إني بعت عربية بمليون ونص لواحد من المتهمين، والكاميرات تثبت إني مليش أي علاقة بالقضية، أنا ايه اللي جابني في القضية دي أنا معرفش حاجة عن أي حاجة.