شقيقة ضحى زهرة مصر لـ الأيام المصرية: أختي اتغدر بيها وعمرها ما راحت مع رجالة

كشفت شقيقة ضحى زهرة مصر، في تصريح خـاص لـ موقع الأيام المصرية حقيقة تواصل سمر نديم، مديرة دار زهرة مصر معهم بعد إنتشار أخبار مقتل ضحى: "سمر كلمتني أمبارح وقالتلي إزاي لحد دلوقتي ساكتين، ومفهمتش منها حاجة لأن لحد دلوقتي أحنا مش مصدقين الخبر".

وتابعت نورا، شقيقة ضحى: "سمر من زمان بتقول كلام وحش في حقنا وحق بابا، لكن لما بابا راح وأتكلم معاها، وشافت معاملة ضحى وخناقاتها مع كل النزلاء في الدار، فهمت إن أختي عندها مرض نفسي ورافضة عيشتنا، وأعتذرت لبابا في بوست على الفيسبوك عندها، وقالت أنها مكنتش تعرف أنه راجل طيب".

وأضافت شقيقة ضحى أن سمر تواصلت معها أمس وهي منهارة.

شقيقة ضحى: لو إللي بيتقال حقيقة فأختي أتغدر بيها

وتابعت نورا: "معتقدش إن ضحى ممكن تتجوز عرفي زي ما متداول على السوشيال ميديا، وكمان متروحش مع حد لأن مفيش حد ممكن يأخد منها حاجة غصب عنها، ولو إللي مكتوب ده صح فهي أتغدر بيها، وضحى كانت بتروح مع سيدات لما كانت بتهرب لكن عمرها ما راحت مع رجالة".

وأوضحت نورا مقتنيات شنطة شقيقتها أثناء هروبها من المنزل: “أنا مكنتش في البيت وقت ما ضحى هربت، لكن شنطتها كان فيها الهاتف المحمول والشاحن ومكياجات والمج الحراري إللي بتشرب فيه، وكان معاها فلوس ممكن يكون 8000 جنيه أو أكثر كمان، لأن كان فيه حد أسمه الحاج محمد عرفها في دار زهرة مصر من خلال التيك توك، وكان بيجي ويديها فلوس على طول، أوقات 10000 وأوقات 9000”.

اقرأ أيضًا:

شقيقة ضحى فتاة زهرة مصر لـ الأيام المصرية: فلوس أختي مع سمر نديم بس مش هندقق

شقيقة «ضحى» زهرة مصر تفجر مفاجأة لـ الأيام المصرية: أختي مش لاقين جثتها

هربت من قسوة الأب وقتلها الحبيب الخائن، مطالب بمحاسبة المقصرين فى أزمة ضحى زهرة مصر

تابع موقع الأيام المصرية عبر قناة (يوتيوب) اضغط هــــــــــــنا

تابع موقع الأيام المصرية عبر تطبيق (فيسبوك) اضغط هــــــــــنا

تابع موقع الأيام المصرية عبر تطبيق (تويتر) اضغط هــــــــنا

موقع الأيام المصرية، يهتم موقعنا بتقديم خدمة صحفية متميزة للقارئ، ونقدم لكم خدمة ومتابعة شاملة ومجموعة كبيرة من الأخبار داخل الأقسام التالية، أخبار، رياضة، فن، خارجي، اقتصاد، الأيامTV، حوادث، خدمات مثل سعر الدولار، سعر الذهب، أخبار مصر، سعر اليورو، سعر العملات، جميع الدوريات.