أنا وبناتي في الشارع، الأيام المصرية تكشف التفاصيل الكاملة لهدم أب لمنزل أبنته باللودر في سوهاج

الإثنين، 02 فبراير 2026 01:44 م

في الساعات الأخيرة تداول رواد السوشيال ميديا فيديو لأب يهدم منزل أبنته في مشهد قاسي منزوع منه الرحمة، وكشفت منال كامل سليم صاحبة واقعة هدم منزلها على يد والدها في سوهاج، في تصريحات خاصة لـ الأيام المصرية، تفاصيل ما وصفته بالتعدي عليها وعلى منزلها من قبل والدها، مؤكدة أنها تعرضت للضغط والتهديد لإجبارها على التنازل عن منزلها.
وقالت منال، نصًا:"من حوالي أسبوع اتعرضولي كذا مرة علشان عاوزين يمضوني تنازل عن البيت بتاعي، وهو ملكي أنا من شغلي، وهو لا ورث منهم ولا ورث من طليقي، وأنا رفضت أتنازل عنه".

تفاصيل هدم أب لبيت أبنته

وأضافت:"بعد ما رفضت، جم يهدوا البيت بتاعي، والدي هد البيت باللودر بتاعه، ودخلوا البيت وخدوا كل الأغراض اللي كانت جواه"، وتابعت: "خدو مني 150 ألف، ومسابوش حاجة في البيت"، وأوضحت: "روحت عملت محضر باللي حصل، وروحت مديرية أمن سوهاج وعملت محضر تاني، علشان حقي يرجع".

ليلة رعب لأم وبناتها بعد تهديدات شقيقها

واستكملت حديثها قائلة:“بعد اللي حصل، أنا وبناتي حاولنا ندور على أي مكان ننام فيه، والجوامع كانت مقفولة، واضطرينا ننام في غرفة في وسط الزراعة”، وأضافت أيضًا:"أخويا كان بيهددني، وكنت خايفة على بناتي"، واختتمت تصريحاتها قائلة:"وديت بناتي لمكان أمين لحد ما أعرف هعمل إيه، وهتصرف إزاي بعد اللي حصل".