الرئيس السيسي: جماعة الاخوان هي التي بدأت اعتداءات ضد مصر بعد ثورة يونيو 2013

قال الرئيس عبدالفتاح السيسي، إن جماعة الإخوان الإرهابية هي التي بدأت اعتداءاتها ضد الدولة المصرية ومؤسساتها، بعد ثورة يونيو 2013.

وأكمل خلال كلمته ضمن فعاليات الاحتفال بالذكرى الـ74 لعيد الشرطة بمجمع المؤتمرات بأكاديمية الشرطة بالقاهرة الجديدة، اليوم السبت: «هما اللي بدأوا في سيناء والقاهرة والجمهورية، مين اللي ضرب نار وولّع؟».

وأضاف: «طب كان هيتعمل إجراء، والله يشهد على كلامي، لو كانت الناس سكتت وقالت اعملوا انتخابات زي ما كنا مقررين، كنا عملنا انتخابات وينزل فيها الله يرحمه الرئيس مرسي».

واستطرد: «لو الشعب كانوا عاوزينه تاني اسكتوا، ولو منجحش خلاص يبقى ماء وجهه مفيش، وماء وجه الناس الموجودين.. لكن ربنا يكفيكم شر عمى البصيرة»، بحسب وصفه.

وأكد: «محدش هينجي هالك ولا هيهلك ناجي إلا اللي ربنا مقدره، اللي مقدرله ينجح هينجح وهياخد طريق الإستقامة ويعود.. ومصر تساوى جميع مواطنيها دون أى تفرقة أو تمييز».

وأضاف: «خليكوا حراس الحرية وكل واحد حر بس انت اضمن نجاتك، وجوهر ديننا محدش يضمنه إلا من رحمة ربي، متخشوش فى الحتة دية.. والأفكار المتطرفة نتجة عن الجهل به هو سبحانه ، ولو حد فكر فى ربه وعرف عظمته هيعرف إن اللي بيعمله بعيد أوي عن العلاقة معاه .. طب انت تخش وتقتل أى حد فى الشارع هتعرف تقابل ربنا بالدم دا إزاي».

وتابع: «أما كنت وزير لحد دلوقتي معملتش إجراء استهدفت به دماء أحد، والله يشهد على ذلك، وهم اللي بدأو، وكان كله محاولة للتوافق والإصلاح.. ومحدش هيقدر يقرب لمصر إلا بالمكتوب بس احنا نبقي كويسين.. ومن ضمن الكويسين الأخذ بالأسباب.. فى سيناء هم بدأوا وفى القاهرة هم اللي بدأوا».

إقرأ  أيضا:

الرئيس السيسي: مصر ترفض إنشاء أي كيانات أو مليشيات موازية لمؤسسات الدولة
أسماء الضباط المكرمين من الرئيس السيسي خلال احتفالية عيد الشرطة

تابع موقع الأيام المصرية عبر قناة (يوتيوب) اضغط هــــــــــــنا

تابع موقع الأيام المصرية عبر تطبيق (فيسبوك) اضغط هــــــــــنا

تابع موقع الأيام المصرية عبر تطبيق (تويتر) اضغط هــــــــنا

موقع الأيام المصرية، يهتم موقعنا بتقديم خدمة صحفية متميزة للقارئ، ونقدم لكم خدمة ومتابعة شاملة ومجموعة كبيرة من الأخبار داخل الأقسام التالية، أخبار، رياضة، فن، خارجي، اقتصاد، الأيامTV، حوادث، خدمات مثل: سعر الدولار، سعر الذهب، أخبار مصر، سعر اليورو، سعر العملات ، جميع الدوريات.