نص كلمة الرئيس السيسي في احتفالية عيد الشرطة 74: دول لحماية بلدنا وشعبها

رسائل مهمة بعث بها الرئيس عبد الفتاح السيسي خلال حضوره احتفالية عيد الشرطة 74 على رأسها التأكيد أن تطوير قدرات الجهاز الأمنى لحماية شعب ودولة من مخاطر وتهديدات لم تنتهِ بعد.

وقال الرئيس السيسي في مداخلته: "عاوز أقول تعليق.. دي(الشرطة) مؤسسة من مؤسسات الدولة.. اوعي حد يفرق بين الناس دي كلها.. دول أبناء وبنات شعبنا.. دول من شعب مصر دول ولادنا وبنات مصر.. ليسوا مليشيات.. دول مؤسسات الدولة.. دول أبناء وبنات شعب مصر".

السيسي: هؤلاء  نحمي نظام.. لا علشان نحمي دولة وشعبها

وأضاف السيسي خلال كلمته في حفل عيد الشرطة الـ 74: "مش موجودين في المكان علشان حاجة غير أمن مصر.. وأنا بقول الكلام ده ممكن حد يحاول يعني.. يسىء يقولك شوف.. إحنا بنعمل ده علشان نحمي نظام.. لا علشان نحمي دولة وشعبها.. مش لحماية شخص.. لحماية شعب ودولة من مخاطر وتهديدات شوفنها كلنا خلال السنوات الماضية ولسه لم تنتهِ".

 وأضاف الرئيس السيسي: الداخلية دول ولاد مصر وشباب وشابات من كل بيت في مصر.. أسرة الشهيد رامي هلال أسرة مصرية.. والدة علي وأخواته دول مصريين.. مهم جدا نحافظ على الصلة اللى بين مؤسسات الدولة وشعبها.. هاتوا شباب الجامعات يجوا يعيشوا".

السيسي : الهدف من الأكاديميات ضخ دماء طيبة في دماء وشرايين الدولة

وتابع: "علي عاوز ضابط شرطة.. أهلا وسهلا.. لما نسمع كده.. نبدأ نعمل تقديرا لأسرته ووالده الشهيد رامي.. تعالي يا علي وغيره.. يقعد 10 – 15 يوم تشوف بابا كان بيعمل ايه؟.. لو البنات ولاد الشهيد نفس الكلام.. وده مش عبء على الأكاديمية.. والأكاديمية المستويات جواها.. هي الهدف منها تعمل عمل طيب وتضخ دماء طيبة في دماء وشرايين الدولة.. فرصة لابننا علي واللى زيه.. لو عندهم رغبة.. نديهم فرصة في الإجازة يعيشوا في الأكاديمية يشوفوا الدنيا ويشوفوا بابا كان بيعمل ايه ويشتغل ايه.. وكان بيتعب إزاي علشان البلد تعيش".

السيسي يشيد بشهداء مصر

أضاف الرئيس السيسي: كل شهيد سقط لو كنا مصدقين.. إن فيه نهاية وهنقابل ربنا كلنا.. عزاؤنا في الشهيد رامي هلال واللى زيه.. دي أسرة بتتألم وإحنا والله بنتألم".

وأكمل : "اوعوا تفتكروا إن الشهيد راح كده يعني.. مراحشي كده.. مش فطيس.. مش حادثة في الطريق.. قدم علشان بلده تعيش.. واللى استشهدوا لهم عند ربنا فضل كبير.. أحياء عند ربهم يرزقون.. التجهيزات الأمنية القوية علشان بلدنا فقط.. من غير ما أجيب كلام.. دول لحماية بلدنا وشعبها وبمقدراته.. مش حماية لحد.. مش لحمايتي والله.. والله والله مش لحمايتي".

إقرأ أيضا:

الرئيس السيسي يشهد احتفالية عيد الشرطة بالقاهرة الجديدة

بث مباشر، شاهد احتفالية عيد الشرطة 2026 بحضور الرئيس السيسي

تابع موقع الأيام المصرية عبر قناة (يوتيوب) اضغط هــــــــــــنا.

تابع موقع الأيام المصرية عبر تطبيق (فيسبوك) اضغط هــــــــــنا.

تابع موقع الأيام المصرية عبر تطبيق (تويتر) اضغط هــــــــنا.

موقع الأيام المصرية، يهتم موقعنا بتقديم خدمة صحفية متميزة للقارئ، ونقدم لكم خدمة ومتابعة شاملة ومجموعة كبيرة من الأخبار داخل الأقسام التالية،أخبار،رياضة،فن،خارجي،اقتصاد،الأيام TV،حوادث، خدمات مثل سعر الدولار،سعر الذهب،أخبار مصر،سعر اليورو،سعر العملات ،جميع الدوريات.