الرحلة فيها فصل تاني"، أول تعليق من ناصر ماهر بعد الرحيل عن الزمالك

حرص ناصر ماهر على توجيه رسالة وداع لجماهير نادي الزمالك وكل عناصر منظومة القلعة البيضاء، بعد إعلان انتقاله رسميًا إلى بيراميدز خلال فترة الانتقالات الشتوية الجارية.

رسالة ناصر ماهر لجماهير الزمالك بعد الانتقال لبيراميدز

كتب ناصر ماهر عبر حسابه الشخصي على إنستجرام: «مش عارف أبدأ منين، لأن في حاجات مش سهلة تتقال، خصوصًا لما تكون بتتكلم لجمهور عظيم زي جماهير الزمالك داخل القارة وخارجها، اسمحولي أعبّر عن حبي واحترامي ليكم، والله مش مجرد كلام».

وأضاف: «من أول يوم دخلت فيه النادي وأنا حاسس إن المكان ده فيه حاجة تتحب،
يمكن عشان ده كيان كبير،
أو عشان لاعبين كبار وشخصيات محترمة بتتحمل أكتر من أي حد،
أو عشان الجمهور المختلف بأجواءه ودعمه ومتعتُه،
بس في الآخر الكورة ممكن تخليك تسيب مكان انت بتحبه وده جزء من اللعبة، أنا بحبكم جدًا والله».

وتابع: «النهارده آخر يوم ليا في نادي الزمالك، النادي اللي تشرفت إني ألبس التيشيرت التاريخي بتاعه، ودافعت عنه بكل إخلاص وحب،
انتوا خلتوني نجم بجد، ودايمًا بقول إن ربنا أكرمني بجمهور الزمالك».

وواصل: «يمكن الرحلة خلصت دلوقتي بسبب ظروف النادي الصعبة،
وأتمنى اكون جزء ولو بسيط في حل الازمه الماليا، واقدر أساعد النادي،
لأن الزمالك كبير ويستحق إن الواحد يضحي عشانه.
وبالنسبة لي، الرحلة لسه فيها فصل تاني… إمتى؟ الله أعلم.

وأكمل: «بشكر كل زملائي اللاعبين الرجالة بجد في كل المواقف،
وبشكر إدارة النادي الزمالك برئاسة الكابتن حسين لبيب، وبشكر جميع المدربين اللي تدربت معاهم، شكراً ك چون ادوارد، شكراً ك. عبد الناصر محمد، شكراً ك احمد سليمان اللي خلاني أكون متواجد داخل نادي الزمالك وكمان بشكر الأوفياء، جمهور الزمالك العظيم، الداعم الأول للنادي».

واختتم: آخر حاجة هقولها: أنا دخلت النادي وقلت “أنا بحب الزمالك”،
ودلوقتي وأنا ماشي بقول هفضل أحب الزمالك».

اقرأ أيضًا:

قرار من الأعلى للإعلام بمنع ظهور «ميدو» في جميع الوسائل الإعلامية

رسميًا، بيراميدز يعلن التعاقد مع ناصر ماهر قادمًا من الزمالك

• لمتابعة أخبار بطولة كأس الأمم الإفريقية 2025 اضغط هنــــــــــــا
• تابع موقع الأيام المصرية عبر قناة (يوتيوب) اضغط هــــــــــــنا
• تابع موقع الأيام المصرية عبر تطبيق (فيسبوك) اضغط هــــــــــنا
• تابع موقع الأيام المصرية عبر تطبيق (تويتر) اضغط هــــــــنا

موقع الأيام المصرية، يهتم موقعنا بتقديم خدمة صحفية متميزة للقارئ، ونقدم لكم خدمة ومتابعة شاملة ومجموعة كبيرة من الأخبار داخل الأقسام التالية، أخبار، رياضة، فن، خارجي، اقتصاد، الأيام TV، حوادث، خدمات مثل سعر الدولار، سعر الذهب، أخبار مصر، سعر اليورو، سعر العملات ، جميع الدوريات.