بعد تصدرهما التريند، كيف بدأت قصة حب محمد عبد المنصف ولقاء الخميسي؟

الإثنين، 05 يناير 2026 11:56 ص

تصدر اسم لقاء الخميسي ومحمد عبد المنصف تريند محركات البحث، بعد انتشار خبر طلاقه من الفنانة إيمان الزيدي والتى تزوجها سراً منذ 7 سنوات، وهى الزوجة الثانية له وبدأ رواد مواقع التواصل في البحث عن قصة زواج عبد المنصف ولقاء الخميسي زوجته الاولى وكيف بدأت قصة حبهم، ويرصد لكم موقع الأيام المصرية كيف بدأت قصتهم.

لقاء الخميس وأول لقاء جمعها مع محمد عبدالمنصف

كشفت لقاء الخميسي عن قصة الحب الذي جمعتها باللاعب محمد عبد المنصف، حيث قالت في إحدى لقاءاتها: "قابلت عبد المنصف أول مرة بالصدفة كان مع مجموعة من الناس ومكنتش أعرف حد فيهم غير حسام وإبراهيم حسن، لكن هو كان قمر وعنيه حلوين وقاعد بغرور كده.

وأضافت: "كان في صديق مشترك بيني وبين عبد المنصف، سألته عليه واحنا قاعدين وقالي ده محمد عبد المنصف حارس مرمى الزمالك ولاعب جامد جدا، وفي نفس الوقت عرفت بعد كده أن هو سأل عليا بردو وبعدين صديقنا المشترك كان مخرج، بيخرج برنامج فقالي تعالي أقعدي معايا".

وتابعت: "ذهبت لصديقي المخرج وكان محمد عبد المنصف موجود، بعدين سابنا وقام، قعدنا نتكلم مع بعض شوية وحصل بينا eye contact، وأخدنا شهر واحد بس وبعدين لقيته بيقولي أنا عايز اتجوزك، وبعدين اتخطبنا فترة ثم كتبنا الكتاب وتزوجنا بشكل سريع، هو كان بيخاف عليا بشكل كبير.

وأختتمت:" علشان كده في فترة الخطوبة مكنش بيخرج معايا غير لما يكون في مكان هادي علشان محدش يضايقني، كمان علشان الصحفيين ومحدش يكتب أي حاجة علينا، وفي فترة الخطوبة مكنش بيمسك إيدي نهائيا فحسيت إن هو شخص مختلف"، وانجبا ابنين أدهم وآسر.