أقوال مشرفة مدرسة العمرانية في واقعة التعدي عليها

الثلاثاء، 16 ديسمبر 2025 07:56 م

كشفت التحقيقات في واقعة التعدي على مشرفة مدرسة العمرانية من قبل ولية أمر تلميذة وزوجها، أن السبب وراء الاعتداء هو اعتقاد ولية الأمر بأن المشرفة قامت بتوبيخ ابنتها .

وأسفر الاعتداء عن إصابة المشرفة بكدمات وجروح في وجهها وبقية أجزاء جسمها.

وأظهرت التحقيقات تفاصيل أقوال المشرفة المجني عليها، حيث تم استدعاؤها للاستماع إلى أقوالها حول الواقعة. وعند سؤالها عن طبيعة علاقتها بالطلاب الذين تشرف عليهم، أجابت: "علاقتي بهم جيدة جدًا، لدرجة أن بعض أولياء الأمور يتواصلون معي ويقولون لي إنني أحن على أولادهم منهم، وهناك أطفال لا يوافقون على الذهاب إلى المدرسة إلا عندما أقول لهم 'يلا'، بسبب حبهم لي وحبي لهم."

كما جاءت باقي تفاصيل أقوالها، كالآتي:-

س: أسبق وأن اشتكاك أحد الطلاب أو أولياء الأمور؟
ج: لا خالص

س: ما تفصيلات الواقعة تحديدا؟
ج: اللي حصل إن أنا كنت رايحة أركب الباص بتاع المدرسة، وإحنا معديين فجأة وقف قدامنا باص تاني، وفرمل جامد، وفيه أطفال اتخضت، والبنت اللي اسمها سارة عيطت ونزلت مشرفة الباص التاني زعقتلي أنا مش عارفة ليه، وفيه طلاب وبنات عيطوا ومنهم سارة، وبعد كده حاولت أهدي البنت، ما بقولها مالك قالتلي عشان الباص والزعيق وكده، فطبطبت عليها، وجبتلها آيس كريم وقعدت ألعب معاها لحد ما هديت.

وأكملت: وركبنا الباص بتاعنا وماشيين خلاص، وحاولت أكلم مامتها عشان أبلغها باللي حصل وأن بنتها عيطت واتخضيت لقيت موبايلها مقفول، وبعدها جينا بقى عند بيتها، استنيت لحد ما نزلت هي وزوجها، قامت فاتحة الباب والبنت ساعتها كانت نايمة على حجري سحبتها ولبستها الشنطة، وقالتلي هو إنتي بتزعقى لبنتى ليه، قلتلها أنا مزعقتلهاش ولا حاجة.

وأردفت: وقامت جايباني من شعري وقعتني على الأرض وقعدت فوقي، وقعدت تضرب فيا جامد أوي لحد ما زقيتها عشان تقوم من عليا، ولما قمت لقيت الناس كلها بتبص على وشي، فبقولهم في إيه، قالولي وشك متشرح وجايب دم من كل حتة، وبعدين رحت على القسم عملت محضر، وبعتوني على مستشفى أم المصريين، كشفوا عليا ولقيت وشي ودماغي وضهري متشرح خالص وكدمات في جسمي كله وبس ده اللي حصل.

س: متى وأين حدث ذلك تحديدًا؟
ج: الكلام ده حصل يوم الاثنين 2025/12/8

س: ما سبب تواجدك بالزمان والمكان سالفي الذكر؟
ج: كنت بوصل بنت من البنات لبيتها

يذكر أن أمرت جهات التحقيق المختصة بالجيزة، بإحالة المتهمين بالتعدي على مشرفة مدرسة في العمرانية للمحاكمة.