ياسمين عبد العزيز تحكي تجربتها مع الطلاق وكيف تخطت علاقة العوضي
حلت الفنانة ياسمين عبد العزيز ضيفة على برنامج “معكم” الذي تقدمه الإعلامية منى الشاذلي، تحدث خلاله عن بعض الأمور المتعلقة بحياتها والظروف الصعبة التي مرت بها بعد الطلاق من أحمد العوضي.
ازاي كنت بسكت
وقالت ياسمين عبد العزيز، الإنسان أوقات كتير يكتشف إن تحمل حاجات مكنش مفروض يسكت عندها فتقعد تسأل نفسك "أنا ازاي كنت بسكت؟"، مشيرة إن بعد المرور بتجربة سيئة ليس من الصح أخذ رد فعل أو موقف بعدها.
وأضافت: "حتى بعد الطلاق مينفعش تدخل في علاقة على طول ده أكبر غلط، لأزم الشخص يتأنى وياخد كامل وقته، مؤكدة أن حتى لو الست هي اللي طالبة الطلاق فالموضوع مش سهل، لأن بعدها بتعيش فترة من عدم التوازن سواء كنت راجل أو ست".
وتابعت: "الإنسان بيعيش فترة من عدم التوازن بعد الطلاق، وده يتطلب الهدوء، لازم يلملم نفسه ويستعيد توازنه وبعدا ممكن ياخد رد فعل، لكن الردود المباشرة مش بتكون مظبوطة".
ننسى اللي كان
وأشارت ياسمين عبد العزيز أنها لا تريد أن تتذكر الماضي، حتى لو كانت قصة حب مازحة "أنا عاملة مسلسل أسمه وننسى اللي كان"، وهو ما قابله سؤال من منى الشاذلي التي قالت: "قبله كان وتقابل حبيب"، لترد ياسمين "الاثنين".
وواصلت: "أنا عملت ريستارت لكل حاجة أنا بجد واحدة ثانية، في علاقتي بربنا وشغلي ومع أولادي، لافتة إلى أنها عانت كثيرًا في حياتها لو حد غيرها كان ممكن ينهار".
وأوضحت: "انا شوفت الموت بعيني وقعدت في المستشفى 4 شهور ونصف، ناس هتقول ما أحنا شوفنا، كل واحد عنده مشاكله اللي بيشوفها كبيرة، لكن في الأخر القوي بيكمل، مؤكدة أن هذه القوة تستمدها من الله سبحانه وتعالى وهو الوحيد من له فضل عليها".
واختتمت، أنا فوقت لنفسي من خلال قراءة القرآن والصلاة، تروحي عمرة تتكلمي مع ربنا، هو الوحيد القادر على إن يخرجك من كل الأحزان.
- تابع موقع الأيام المصرية عبر قناة (يوتيوب) اضغط هــــــــــــنا
- تابع موقع الأيام المصرية عبر تطبيق (فيسبوك) اضغط هــــــــــنا
- تابع موقع الأيام المصرية عبر تطبيق (تويتر) اضغط هــــــــنا
موقع الأيام المصرية، يهتم موقعنا بتقديم خدمة صحفية متميزة للقارئ، ونقدم لكم خدمة ومتابعة شاملة ومجموعة كبيرة من الأخبار داخل الأقسام التالية،أخبار،رياضة،فن،خارجي،اقتصاد،الأيامTV، حوادث، خدمات مثل سعر الدولار،سعر الذهب،أخبار مصر،سعر اليورو، سعر العملات ،جميع الدوريات.
