أيسل عمرو، قصة طفلة استدرجها شاب في حمام سباحة واغتصبها حتى الموت (فيديو وصور)

الإثنين، 24 نوفمبر 2025 09:55 ص

روت السيدة سامية كامل، والدة الطفلة أيسل عمرو، تفاصيل مؤلمة حول الحادث الذي تعرضت له ابنتها في حمام سباحة بإحدى القرى السياحية في العين السخنة عام 2023.

وذكرت والدة الطفلة، أن الواقعة حصلت في أغسطس 2023، ولأول مرة بحكي عنها لإن القضية مازالت في المحكمة والجاني أتحكم عليه بـ 15 سنة سجن، وأنا بحكي قصة بنتي لأني متضامنة مع تلاميذ Kg2 اللي تم التعدي عليهم داخل مدرسة دولية بالعبور.

وناشدت والدة "أيسل" الرئيس السيسي والجهات المختصة، بتعديل قانون الأحداث لتكن الأحكام رادعة خاصة عندما تتعلق الجرائم بالاعتداء على الأطفال، ويكون الحكم بالإعدام شنقًا.

وقالت: “سيادة الرئيس عبدالفتاح السيسي أن بكلم حضرتك كأب أرجوك حضرتك حاول بأي وسيلة في تعديل قانون الأحداث على الأقل في القضايا اللي زي أيسل”.

اختتمت الأم رسالتها أنها ستواصل السعي لاسترداد حق طفلتها، ومجددة مناشدتها للقيادة السياسية والنائب العام لتحقيق العدالة.

رسالة الأم المكلومة:

وكتبت الأم، في منشور لها عبر حسابها على "فيسبوك": مش عارفة ابتدى منين بس دى ايسل بنتى الجميلة اللى كل حاجة ف شخصيتها رائعة اللى كان كل هدفها ف الحياه تطلع دكتوره وتدرس طب ف المانيا وبعدين تعمل مركز طبى للناس الغلابة هي بنوتة شاطرة أوى وحافظة قرآن وخطها رائع ومثقفة ومؤدبة أوى وبتحب صحابها وأهلها وعندها هدف ف حياتها وأشطر واحدة ف مدرستها طفلة عندها ٧ سنين اللى كانت بتشيل معايا مسئولية ف كل حاجة".

وتابعت: "أحن واحدة ف العالم اللى مربية لأختها الأصغر إيه ذنبها عملت ايه أنا مش عارفه استوعب انها تموت ع ايد واحد ابن كلب عديم التربية أمه مش فاضية تربيه هي وأبوه وسايبه للمواقع الإباحية حياتنا كلها اتحولت لكابوس ف لحظه ايسل ماتت يوم ١٧-٨-٢٠٢٣ واللى موتها واعتدى عليها طالب ف مدرسه انترناشونال اسمها نفرتارى".

وأضافت: "الحادثة حصلت ف قرية استيلا سى ڤيو العين السخنة كان يوم خميس الساعة ٤ العصر بنتى بتلعب ف حمام السباحة مع صحبتها وانا واقفه قدامه ع البسين اختها عايزة تروح الحمام اتحركت لمدة دقيقه من قدامها القذر اللى كان ف نفس البسين كان مراقبها مجرد ما اتحركت بتنط ف المية شدها من تحت المية وكتم نفسها جالها ساكتة قلبية وعمل دفعة بعضوه الذكرى من وراه عندها أنا أسفة ف ألفاظي وماتت بنتي وحياتنا وقفت عند اليوم ده يمكن أنا مش كنت عايزة اتكلم عن موضوع ايسل ف الوقت الحالي لحد القضية ما تخلص من كل الجوانب بس مفيش طريق ما لجأتش له سواء السويس او إسماعيلة أو النائب العام عشان نكون بعيد عن أي ضغط نفسي الجانب الوحيد اللي خلص ف القضية إن المجرم أتحكم عليه ١٥ سنة وطبعا التزاما بالقانون💔💔💔💔💔سيادة الرئيس عبدالفتاح السيسي أنا بكلم حضرتك كأب أرجوك حضرتك حاول بأي وسيلة ف تعديل قانون الأحداث ع الأقل ف القضايا اللى زى ايسل للمتعدى سواء كبير صغير يكون إعدام أنا عارفة إن القوانين مرتبطة ببروتوكلات دولية بس أكيد ربنا خلى عند حضرتك تحكم اكتر من ١٠٨ ملايين شخص أكيد حضرتك هتقدر أرجوك دى الوسيلة الوحيدة اللى هعرف أوصل بيها صوتي لحضرتك مع إن ما كنتش حابة أوصلها وربنا شاهد ع كلامي حرام الأطفال يحصل فيها كده حضرتك كل الأماكن اللى تخص المجرم وأهله روحتها هو مدرسة انترناشونال وعادى مدير المدرسة رفض يعملها سحب ملف رده إن خلاص هو دخل السجن رغم تصرفاته داخل المدرسة وعادى هيطلع من السجن أمه هتسفره بره يكمل تعليم زى أخوه وعادى ويعيشو حياتهم ورفاهية جوة السجن بسبب قريبه مسئول ف الرقابة الإدارية واحنا حياتنا وقفت بسبب تطبيق القانون كان نفسى الحكم يكون زى ما ربنا قال ف كتابه من قتل يقتل أنا بناشد حضرتك عشان حضرتك الأمل الوحيد لتغير القانون أنا عارفه بنتى مش هينطبق أى حاجة عليها حادثتها بس حرام الأطفال اللى لا حول بيهم ولا قوه أنا اتكلمت مع كل المسئولين ف الدول ف المجلس الأعلى للقضاء ما عادا سيادة النائب العام وكل المحاولات فشلت وبقالي أكتر من سنتين ونص طحن عشان اعرف أرد حق بنتى بس يكون ف رحمة بينا 😢 💔💔
المجرم عمر أحمد مدحت علي عويضة
الأم لنا محمد أحمد عزت سلامة
الأب أحمد مدحت علي عويضة
لا سامحكم الله ولا عفا عنكم ليوم الدنيا حسبي الله ونعم الوكيل".