ده سامح سوكا بتاع المخدرات، أقوال جديدة بقضية سارة خليفة "المخدرات الكبرى"

نص تحقيقات محمد خليفة في قضية "المخدرات الكبرى" واتهام سارة خليفة باشتراكها بعملية تصنيع وترويج وبيع المواد المخدرة ، وتهريبها خارج مصر، بالاشتراك مع تشكيل عصابي مكون من 27 متهما، بينهم منتج وصاحب شركة ومقاولون وباعة وسائقون وغيرهم، ما ترتب عليه ضبطهم وإحالتهم إلى محكمة الجنايات.

جاءت اعترافات محمد خليفة شقيق سارة خليفة المتهمة في القضية المعروفة إعلاميًا بـ المخدرات الكبرى، والتي حملت رقم 6863 لسنة 2025 جنايات التجمع الأول والمقيدة برقم 1347 لسنة 2025 كلي القاهرة الجديدة، وبسؤاله ما صلتك بكلا من المتهمين خالد.ف.ع، وسارة خليفة، وأحمد.ع.ع.ا، وإسماعيل.م.إ.أ، وسامح.م.ذ.م، ودريد.ع.ا.ح.ا ؟
ج: هو بالنسبة لخالد فتحي، أنا قابلته مرة واحدة بس وهو معرفة سارة وقابلته في نفس اليوم اللي قابلت فيه أحمد.ع، كمان اعرف ابنه فتحي وشهرته خالد الأبيض، هو معرفة، وسارة تبقى أختي وأحمد.ع، أنا قابلته مرة عن طريق سارة وهو صاحب سارة وفتحي، وإسماعيل صاحب احمد ومافيش بيني وبينه اختلاط ودريد دا انا ما عرفهوش، وسامح أنا ما عرفهوش ماشفتهوش غير مرتين في حفلتين قبل كده.

س: وما طبيعة العلاقة بينك وبين المتهم خالد.ف.ع.م ؟
ج: أنا ما عرفهوش أنا قابلته مرة واحدة بس.

س: ما مضمون اللقاء بينك وبين سالف الذكر؟
ج: في نفس اليوم اللي روحت قابلت فيه سارة وقابلت أحمد.ع، كان هو موجود ومش عارف هو كان بيعمل ايه، والكلام في اليوم ده كان سلامات وخلص الموضوع على كده.

س: هل من ثمة تواصل لاحق بينك وبين سالف الذكر؟
ج: لا.
س: إذا ما طبيعة العلاقة بينك وبين المتهم فتحي.خ.ف.ع؟
ج: أنا عرفت فتحي ده عن طريق سارة قبل ما يتحبس بحاجة بسيطة من حوالي سنتين ثلاثة قبل ما يتحبس، وابتدى بيني وبينه في التواصل تليفونيا وهو محبوس، وأنا ما عرفش عنه أي حاجة ولا بتيجي سيرته قدامي، لحد ما تواصل معايا تليفونيا أول مرة وكان بيسألني عن حاجة بتاعة الايفون وبعد كدة بقى يسألني عن أي حاجة عامة سارة فين مثلًا والكلام كله عن سارة.
س: كيف نشأت العلاقة بينك وبين سالف الذكر؟
ج: أنا أول مرة كنت قابلته في الساحل يا في القاهرة ومش متذكر فين بالضبط وكنت مع سارة، وبعدها فتحي الاسم بيجي قدامي لو سارة بتتكلم ورجعت العلاقة اتجددت في أول مكالمة منه ليا وهو في السجن.

س: وإلى أي مدى تطورت العلاقة بينك وبين سالف الذكر؟
ج: هي العلاقة بيني وبينه سطحية جدا وقليلة التواصل.
س: هل من ثمة معاملات مالية جمعت بينكما؟
ج: لا.
س: كيف بدأ التواصل بينك وبين سالف الذكر؟
ج: هو في الأول سارة قالتلي إن فتحي هيكلمك يسألك عن حاجة في التليفون بتاعه، وقتها فتحي كان محبوس قولتلها ماشي خليه يكلمني في أي وقت وهو كان اتصل بيا من حوالي ستة اشهر اتصل بيا على الموبايل وسألني عن حاجة تخص الايفون.
س: ما طبيعة العلاقة فيما بين المتهمة سارة خليفة، والمتهم خالد.ف.ع؟
ج: ما عرفش.
س: ما طبيعة العلاقة بينك وبين المتهم سامح.م.ذ ؟
ج: أنا ماليش علاقة بيه سامح ده أنا شفته مرتين في دبي بيجي مكان الحفلات بتاعتنا مرتين أول مرة شفته ما تكلمتش معاه بس حد كان واقف من المصريين ان ده سامح وتاني مرة شفته كان بيسلم على عصام صاصا وعصام كان بيحيه فلما سألت طلع ده سامح سوكا بتاع المخدرات.

س: ما تعليلك لما ثبت للنيابة العامة من فحص هاتفك المحمول وجود صورة تذكرة الطيران الخاصة بالمتهم دريد، رغم ما ذكرته سلفا بانتفاء علاقتك به؟
ج: أنا مش متذكر للصورة دي موقف معايا وممكن تكون محطوطه على تليفوني لإثبات التهمة عليا.
 

س: ما تعليلك بكون الصورة سالفة البيان ببياناتها داخل الهاتف المحمول، ثابت إن تاريخ حفظها على الهاتف هو ٢٠٢٤/١٠/٣١، وهو تاريخ سابق على ضبطك؟
ج: هو ممكن إن يحصل تعديل تاريخ أي صورة عن طريق البرامج ووضعها وحفظها في أي ملفة على الهاتف.

س: ما تعليلك لما ثبت للنيابة العامة من وجود علاقة تجمع بين المدعو فتحي.خ.ف، وبينك والمتهمة سارة خليفة وشقيقتكما شروق خليفة، تضمنت سؤاله الدائم عليكم واتصاله بكم إبان تواجده بمحبسه وإرساله مبالغ مالية لكم، وطلبك المبالغ مالية منه، ووجود خلافات بينه وبين المتهمة سارة خليفة، ووجود صورته على هاتفك المحمول، سيما وقد ذكرت سلفا بأن علاقتكما سطحية، وأنها وإن كانت من قبيل الصداقة فهي من جانبه هو وليس من جانبك؟
ج: هو سؤاله ليس دائم عليا ومافيش تحويلات باستمرار ولو حصل فهو حصل مرة واحدة لأختي مش ليا، وصورته على تليفوني انا مش متذكر هي مبعوثه من مين ممكن تكون من أختي أو هو.
س: ما سبب إرسال تلك الصورة إليك؟
ج: لأني عايز اشوف شكله.
س: ما سبب رغبتك في التعرف على وجه سالف الذكر، سيما وقد ذكرت سلفا بأنك التقيت به؟
ج: لأن الكلام ده كان من سنين كثير وكنت عايز اعرف شكله دلوقتي إزاي.

س ما تعليلك لما ثبت للنيابة العامة من مطالعة هاتفك المحمول، شرائك للجواهر المخدرة؟
ج: هي مش ليا.
س: إذا ولمن تشتريها؟
ج: صديق
س ما هي بيانات سالف الذكر؟
ج: أنا ما عرفش تفاصيل عنها أنا جبتهالها عشان هي سألتني عنها وحاولت اتصرف ليها.
س هل حصلت على ثمة مبالغ مالية نظير ذلك؟
ج: لا
س ما تعليلك لما ثبت للنيابة العامة من مطالعة هاتفك المحمول، شرائك للجواهر المخدرة بتواريخ مختلفة؟
ج: أنا كنت بسأل بس ومش بشتري.

س: إذا وما تعليلك لما ثبت للنيابة العامة من مطالعة هاتفك المحمول وإرسالك للموقع الجغرافي الخاص بك للرقم المسجل باسم بيلات خالد، بعد اتفاقكما على شراء المواد المخدرة؟
ج: عشان كان هيجبلي وكلمته في التيلفون وماجبش.

اقرأ أيضًا: التيك توكر كروان مشاكل ينهي إجراءات خروجه بعد القبض عليه بمطار القاهرة
 

كما قررت محكمة جنايات القاهرة الجديدة فى وقت سابق ، المنعقدة بالتجمع الخامس، تأجيل ثاني جلسات محاكمة المتهمة سارة خليفة و27 آخرين، على خلفية اتهامهم بتشكيل عصابة إجرامية لجلب المواد الكيماوية المستخدمة في تصنيع المخدرات والاتجار بها، إلى جلسة 15 نوفمبر المقبل، وذلك لسماع شهود الإثبات.

تابع موقع الأيام المصرية عبر قناة (يوتيوب) اضغط هــــــــــــنا

تابع موقع الأيام المصرية عبر تطبيق (فيسبوك) اضغط هــــــــــنا

تابع موقع الأيام المصرية عبر تطبيق (تويتر) اضغط هــــــــنا

موقع الأيام المصرية، يهتم موقعنا بتقديم خدمة صحفية متميزة للقارئ، ونقدم لكم خدمة ومتابعة شاملة ومجموعة كبيرة من الأخبار داخل الأقسام التالية، أخبار، رياضة، فن، خارجي، اقتصاد، الأيام TV، حوادث، خدمات مثل سعر الدولار، سعر الذهب، أخبار مصر، سعر اليورو، سعر العملات ، جميع الدوريات.