مدبولي: زيادة الأجور مستمرة، وسنعمل على غلق الفجوة في أسرع وقت

أكد الدكتور مصطفى مدبولي، رئيس مجلس الوزراء، أن الدولة تتبنى خطوات جادة في ملف زيادة الأجور ورفع الحد الأدنى للدخل، مشيرًا إلى أن هذه الجهود تأتي ضمن توجه شامل لتحسين مستوى معيشة المواطنين.

وقال مدبولي في تصريحاته مساء اليوم علي هامش الاجتماع الأسبوعي: بالتأكيد، الموضوع ده بينظر إليه، وكل سنة إحنا كدولة بناخد مبادرة كبيرة جدًا في زيادة الأجور وأيضًا رفع الحد الأدنى، بالتأكيد ده كلها بتبقى خطوات، ولكن المواطن بيقول: إحنا محتاجين إن يبقى في خطوات أكبر، يعني أنا عايز بس أوصل حاجة مهمة جدًا، إن أكثر من ٨٠٪ من قوة العمل اللي موجودة في الدولة، ويمكن أكثر بكثير، هي في القطاع الخاص."

وأوضح رئيس الوزراء، أن القطاع الخاص لا توجد عليه قيود في زيادة المرتبات، مشيرًا إلى وجود منظومة معينة تُدار لتحقيق هذه الأهداف، مضيفًا:
"اللي أنا بأكد فيه إن الاتجاه، إن شاء الله، هو إن الزيادة هتبقى مستمرة في دخول الأفراد، مع النمو الاقتصادي اللي بيحصل وارتفاع مستوى الدخل، هيحصل هذا الكلام، مع إن إحنا في نفس الوقت نحافظ على ثبات الأسعار ، وتخفيضها حتى في بعض السلع، ده أكيد هيقلل الفجوة بسرعة إن شاء الله خلال الفترة القادمة."

وشدد على أن التحسن في المؤشرات الاقتصادية ليس مجرد أرقام، بل نتيجة عمل فعلي على الأرض، حيث قال:
"كل ما الاقتصاد هيستقر، وكل ما المؤشرات بتحصل ، والمؤشرات دي بتحصل يا جماعة مش أرقام، دي بتحصل نتيجة شغل على الأرض بيتم، فرص عمل جديدة بتطلع، مصانع، مشروعات جديدة بتطلع، استثمار بيضخ، مرتبات بتزيد ، فكل ده بيؤدي إلى الناتج المحلي الإجمالي بتاع الدولة بيكبر وبيزيد."

وفي ختام حديثه، قال مدبولي:
"كل ده معناه مؤشرات بتحصل هتؤدي إلى اللي إحنا بنتكلم عليه، إحنا ماشيين، الحمد لله، في الاتجاه السليم، والدولة ماشية في هذا الاتجاه، وبإذن الله كل تحدينا إن إحنا إزاي نُقصر المدة، علشان هذه الفجوة، بإذن الله، تنغلق في أسرع وقت ممكن."

تابع موقع الأيام المصرية عبر قناة (يوتيوب) اضغط هــــــــــــنا

تابع موقع الأيام المصرية عبر تطبيق (فيسبوك) اضغط هــــــــــنا

تابع موقع الأيام المصرية عبر تطبيق (تويتر) اضغط هــــــــنا

موقع الأيام المصرية، يهتم موقعنا بتقديم خدمة صحفية متميزة للقارئ، ونقدم لكم خدمة ومتابعة شاملة ومجموعة كبيرة من الأخبار داخل الأقسام التالية، أخبار، رياضة، فن، خارجي، اقتصاد، الأيام TV، حوادث، خدمات مثل سعر الدولار، سعر الذهب، أخبار مصر، سعر اليورو، سعر العملات ، جميع الدوريات.