تفريغات لا تنشرررررر ... ..... .... محاربات سرطان الثدي

المحاربات

مدام جيهان الصباحي:

• جالي سرطان ثدي و رحم وقطنية
• السرطان خلى عندي أمل وأقبلت على الحياة وقدرت أعدي.
• أصعب لحظة عدت عليا لما كنت واحده وسط 40 انا الوحيدة اللي فيهم كنت موجب.
• كنت أمورة أوي وانا قارعة وكنت بحب أبص على نفسي.
• بحب اساعد المحاربات حتى وأنا مريضة كنت بحس اني سوبر مان.
• دعمت المرضى وعملت جمعية لرعاية مرضى السرطان والفشل الكلوي.
• باخد المحاربات افسحهم وأنزلهم المياة ونروح دهب وبورسعيد.
• اي حد بيتعاطف معايا كنت بقوله stop ولا عايزة تعاطف ولا طبطبة.
• بناتي كانوا بيقولوا ماما super hero.
• رسالة للمحاربات: خليكي واقفة وقاوحي هتتعالجي وهتخفي انتي وردة.

عزة:

• شعري كلة وقع ونفسيتي اتغيرت.
• حياتي الشخصية ومشاكلها أثروا عليا بشكل كبير مع العوامل الوراثية وتاريخ العيلة المرضي.
• بعد ماخلصت علاج الكيماوى كنت حاسة اني فقبر واتفتح.
• مش عايزة التعاطف انا محتاجة اللي يقولي أجري.
• انا والمحاربات حلوين وزي بعض وكلهم أخواتي وفاهمني لانهم شبهي.
• علاج السرطان هو مرحلة أمل اننا هنعيش تاني.
• ربنا كان معايا لاني كنت لوحدي.
• عرفت يعني أيه خلوات وازاي اكلم ربنا وانا بتعالج.
• انا عرفت السرطان جالي ليه.. عشان كان لازم ناس تخرج من حياتي ويدخل ناس تامية أحلى بكتير.

انا بغير على ربنا عشان هو حبيبي.. انا بس اللي أطلب منه وأنا بس اللي أكلمه.

ربنا حبيبي.. انا ربنا بعد عني كل الناس عشان هو اللي يتولى أمري.

رسالة للمحاربات: السرطان رسالة من ربنا المرض جالك عشان حاجة معينة تخلي بالك منها فخلي بالك هي ايه.

مدام ايناس سمير:

• عرفت المرض وقت جواز بنتي ومكانش ينفع اروح اتعالج وقتها.. تاني يوم الفرح كنت عند الدكتور.
• انا كنت مريضة قبل المرض بس دلوقتي انا اتعلمت كتير.
• كنت عايزة أبقى قوية عشان أقوى جوزي.
• بحس اني طفلة لما بخرج والعمر ده على الورق ولازم أرضى بقضاء الله.
• رسالة للمحاربات: السرطان مبيموتش كوني قوية وحبي نفسك لانه مرض زي أي مرض.

مدام عزة عبد الحفيظ:

• انا مريضة كانسر وسكر وكنت شايفة ان السرطان حاجة كبيرة.
• جوزي ربنا يخليهولي هو أكبر داعم ليا وبعدة ولادي وأحفادي.
• اتدلعت وعرفت حب الناس ليا لما تعبت.
• طول عمري ربنا حبيبي، ماحستش بأي حاجة صعبة لأن حبيبي هونها عليا.
• رساله للمحاربات: انتوا حبايبي وشكرًا على كل حاجة وشكرًا لكل حد ساعدني من بداية المرض.

مدام عواطف:

• صدمة عنيفة لما عرفت ان عندي سرطان.
• انا بحب الحياة جدًا واكتر حاجة كسبتها من المرض هما اخوات وأصحاب جديدة.
• الشدة بتبين الناس وناس كتيرة أوى مسألتش عليا وبعدت عني لما تعبت.

مدام عايدة:

• معهد الأورام كان مهزلة وبهدلة، مافيش رعاية ولا اهتمام وتأخير من الدكاترة.
• خوفت من حباية صغيرة بسبب مرض خالاتي وانهم ماتوا بالكانسر وروحت اكشف في بهية.
• لما اتقالي عندك كانسر اتصدمت وافتكرت كل اللي عشته مع خالاتي.
• بهية كانت بتمهدلي الطريق، وأدتني الأمل.
• لما طلبوني في المستشفى توقعت اللي عندي.
• بهية كانت فرق شاسع عن معهد الأورام في المعاملة والأسلوب.
• بهية أدتني أمل في الحياة والمعاملة بتفرق.
• انا مالقتش فترة صعبة في علاجي بسبب بهية والدكاترة.
• الدكتور سهلي الدنيا وبسطلي كل الأمور، وبهية سهلتها عليا أوي.
• محدش صدق ثباتي النفسي وسعادتي بعد عمليتين، وده بفضل ربنا عليا وبعدها بهية.

مدام ثناء جعفر:

• فريض الدعم النفسي في بهية ساعدني وهونها عليا.
• أكبر داعم ليا كان أبني ومات.
• كرم ربنا عليا اني لسة واقفة على رجلي لحد دلوقتي.