الرئيس السيسي: ربنا نجّانا في 2011 وفي 2013
قال الرئيس عبد الفتاح السيسي إن أهم حاجة دلوقتي بناء أرضية كاملة في إصلاح مؤسسات الدولة أجهزتها، التعليم بتاعنا، الصحة بتاعتنا، الإعلام بتاعنا، المؤسسات مبنيّة من وعاء الدولة، والدولة حسب تقدمها وتحضرها، والمعرفة والعلم اللي بتبنيه وبتأهّل به أولادها وبناتها، فيه بينعكس على هذه المؤسسات. .ودي القضية اللي أنتم محتاجين تعرفوها وتشرحوها للناس بشكل مستمر: كل ما هتتقدّم الدولة وتتحضّر لقدّام، كل ما هتلاقي الأجهزة دي بترتقي.
شدد الرئيس على العمل مع ضرورة الحفاظ على 3 أمور منها الحفاظ على مناخ الحرية الحقيقي دون الإضرار أو بفوضى تؤثر على أمن واستقرار البلد، لأن الحرية تقف عندما تصل إلى الإضرار بالآخرين.
أضاف الرئيس خلال لقاءه علي الافطار في أكاديمية الشرطة أن عملية التطوير عملية مستمرة لا تنتهي بجيل أو عصر أو شخصية أو قيادة أو حكومة، ده شيء يستمر لنا ولمن بعدنا ولمن بعدهم.
وأكمل :" ولو احنا انتبهنا للنقطة دي، فهمناها كويس، ومارسناها، هنحقق نتيجة كويسة".
وتبقى النقطة الثالثة إن ده مرتبط بالشعب المصري ككتلة إنه لا يسمح مرة ثانية أن حد ياخده عشان يكسر ويهد بلده.. ربنا نجّانا في 2011، وربنا نجّانا في 2013.. طولت عليكم، بس كانت فرصة إني ألتقي بكم، وسعيد بكم. ما تخافوش.
تابع موقع الأيام المصرية عبر قناة (يوتيوب) اضغطهــــــــــــنا
تابع موقع الأيام المصرية عبر تطبيق (فيسبوك) اضغطهــــــــــنا
تابع موقع الأيام المصرية عبر تطبيق (تويتر) اضغطهــــــــنا
موقع الأيام المصرية، يهتم موقعنا بتقديم خدمة صحفية متميزة للقارئ، ونقدم لكم خدمة ومتابعة شاملة ومجموعة كبيرة من الأخبار داخل الأقسام التالية،أخبار،رياضة،فن،خارجي،اقتصاد،الأيامTV، حوادث، خدمات مثلسعر الدولار،سعر الذهب،أخبار مصر،سعر اليورو،سعر العملات ،جميع الدوريات.
