كسرت العكاز على ابني وبيقولولي مريضة نفسية، أم تستغيث من معلمة بشبرا (صور)

الأربعاء 01/أكتوبر/2025 - 12:31 م

أم تستغيث من معلمة بشبرا، قدمت ولية أمر بمدرسة حافظ إبراهيم الرسمية للغات، إدارة شبرا مصر، شكوى واستغاثة لوزارة التربية والتعليم والتعليم الفني، ووزارة الداخلية وهذا بعد تعرض نجلها للضرب من إحدى المعلمات داخل الفصل، وهذا خلال منشور لها على موقع التواصل الاجتماعي فيسبوك.

وأوضحت الأم أن نجلها عاد من المدرسة أمس الثلاثاء وعلى جسده أثار الضرب، إذ قامت المعلمة بغلق باب الفصل وضرب الطالب بالعكاز، وظلت تضرب الطفل حتى سمع صوت صريخه المعلمين وطلاب الثانوية وقاموا بكسر باب الفصل وإنقاذ الطالب من يديها.

كسرت العكاز على ابني.. أم تستغيث من معلمة تضرب نجلها

وأوضحت الأم تفاصيل الواقعة قائله: "أحنا بنودي ولادنا المدرسة عشان تتعلم ولا تتروع نفسيًا وتتأذي بدنيًا كده؟، دي صورة أبني الصغير ياسين راجعلي النهاردة من المدرسة منهار وبيعيط وجسمه كله بالمنظر إللي في الصور، ليه مدرسة تعمل في عيل صغير كده، تحبسه في الفصل وتقفل الباب عليه بعد خروج زمايله من الفصل وتسد الباب بالديسك وتنزل ضرب في الولد بالعكاز وتكسره عليه".

فرصتك الأخيرة، آخر موعد للاختيار بين البكالوريا والثانوية العامة

خطوات تقديم الطلاب في مبادرة أشبال مصر الرقمية المجانية

وتابعت الأم: "الولد فضل يصرخ ويقول لها أنا أسف وهو معملش حاجه كل ذنبه أنه نسى مقلمته ورجع ياخدها وهى قاعده فى الفصل خبط فيها بكتفه تقوم تهجم عليه وتقفل باب الفصل وتحط ديسك علشان محدش يدخل وتفضل تلطيش فيه بالعكاز وبإيديها على جسمه ووشه وتتعدى عليه لغاية ما الولاد بتوع ثانوي وإعدادي يسمعوا صريخه والمدرسية كسروا باب الفصل علشان ينجدوا ابنى من تحت إيدها".

كسرت العكاز على ابني وبيقولولي مريضة نفسية، أم تستغيث من معلمة بشبرا

وأوضحت ولية الأمر أن مدير المدرسة قال لها أن المعلمة مريضة نفسيًا: "ومدير المدرسة بيقولى معلش أصلها تعبانة نفسيا، تعبانة نفسيا تقعد فى بيتها ابنى كان ممكن يموت فى إيديها لو محدش لحقه قلبى مقهور على ابنى ومنظره وهو راجع مقهور وبيعيط ويقولى والله ما عملت لها حاجه دى كانت هتموتنى، ابنى مش عاوز يرجع المدرسة ومدمر نفسيا أنا أتخذت الإجراءات القانونية وعملت لها محضر بس خايفة حق ابنى يضيع فى بلد القانون والوسايط عاوزة حق ابنى أنا وأبوه مقهورين عليه".

واختتمت منشورها مؤكدة أنها ليست الواقعة الأولى للمعلمة: "دى مش أول واقعة ليها بس الولاد التانية كانت بتخلص بحقك علينا يا حبيبى متزعلش وفى شهود على الواقعة من طلبة ومدرسين حسبى الله ونعم الوكيل فى أى حد هيقف ويمنعنى إنى أخد حق ابنى".