عايزة حقي، فتاة تستغيث بالداخلية من متحرش بالميكروباص (شاهد بالفيديو)

نشرت فتاة تدعى نفرتاري أحمس من محافظة الإسكندرية، عدة مقاطع فيديو على صفحتها الشخصية بموقع التواصل الاجتماعي (فيس بوك)، تستغيث فيه بوزارة الداخلية من متحرش كان يجلس بجانبها في الميكروباص.

وحسب ما جاء في الفيديو، فإن المتحرش كان يداعب أعضائه التناسلية طوال الطريق، ما أثار اشمئزازها، حتى استجمعت قواها وأخرجت تليفونها وصورت المشاهد الصادمة.

وكتبت الفتاة على صفحتها رسالة إلى الداخلية جاء فيها:

أنا عايزة حقي يا جماعة ممكن؟
ممكن البنات و الستات تاخد حقها زي اي حد ف البشر من الجنس التاني؟؟ ممكن نعيش وسطكم عادي من غير قرف و اذيه و تحرش ؟؟
اتعرضت النهاردة و بتعرض له انا وكل بنت و ست بتنزل الشارع لمجرد انها بنت!!
النهارده الصبح  بتاريخ 16/9/2025 اتعرضت للتحرش في المواصلات بعد ما ركبت من محطة المندرة ركب ورايا الشخص ده و انا ماسكة موبايلي حسيت منه حركات غريبه وكل شوية يبص ناحيتي عشان انتبه له ولما قلقت منه عملت نفسي بتكلم واتساب يمكن اكون ظالماه و فتحت الكاميرا من كتر الرعب انه يتعرض لي أو يلمسني لو الي انا شاكه في صح و قد كان القذر من ساعة ما بدأت اصوره زي ما هو واضح بيعمل ايه في عز النهار الساعه 11 صباحاً ف المواصلات و قاعد جمبه راجل تاني!! يعني حتى مش بيعمل كده و خايف يتفضح لا و مكمل و مقدرتش اتكلم طبعا عشان ميتعرضليش او يلمسني لحد ما المشروع وقف عشان حد ينزل و زعقت له انه يقوم ينزل
ولا راجل من الركاب ولا السواق كان عنده نخوه يشوف هو عملي ايه!!!! السواق مستعجل عايز ركاب تانيين و كل الي قدر عليه انه يقولي خلاص اطلعي قدام
ده لا اول موقف ولا هيكون الاخير لما البنت ممنوع تركب أوبر لوحدها دلوقتي عشان متتقتلش ولا تتعرض لاغتصاب تاكسي نفس الكلام مشروع في وسط الناس نفس الشئ نعمل ايه ممكن حد يقولي ؟
نعيش وسطكم ازاي ؟؟؟؟
احنا مش عارفين نمشي ف الشوارع!!!
نسلم من اذاكم ازاي
انا لا روحت خلصت ورقي الي كنت هعمله ولا عايزه انزل من  بيتي ولا عارفه اتخطى الموقف من الصبح مش عارفه حتى اوصف مشاعري ولا اقول انا حاسه ب ايه !!!
ف أنا عايزه حقي ع الرعب و القذارة الي اتعرضت لها لمجرد اني بنت
* اي بنت تتعرض لحاجة زي كدة بما ان خلاص محدش بينقذ حد دلوقتي او لو خوفتي زي ما انا خوفت على الاقل صوري الي حصل وخدي حقك دي مش فضيحة دول هما المفضوحين الي مينفعش يعيشوا وسطنا! 
الفيديو واضح واخدت منه صورة واضحة وياريت الي يشوف البوست يعمل شير

أمثلة على حوادث موثقة

في بعض الحالات، تم تداول فيديوهات أو صور لفتيات يوثقن فيها تحرش سائق ميكروباص أو راكب آخر. هذه الفيديوهات غالبًا ما تُنشر على مواقع التواصل الاجتماعي مع استغاثة مباشرة من الفتاة لوزارة الداخلية أو للجهات المعنية.

في إحدى الحالات، قامت فتاة بتصوير مقطع فيديو لمتحرش داخل ميكروباص وقامت بتقديمه إلى الشرطة كدليل، وهو ما أدى في النهاية إلى القبض على المتهم.

لماذا تلجأ الفتيات للسوشيال ميديا؟
سرعة الانتشار، بحيث يمكن للمقطع أن يصل إلى عدد كبير من الأشخاص والجهات المسؤولة في وقت قصير.

الضغط المجتمعي، ذلك أن نشر الحادثة يولد ضغطًا على الشرطة للتحرك والقبض على الجاني.

إثبات الواقعة، وأن التصوير يعتبر دليلاً ماديًا قويًا يسهل عملية الإثبات أمام القانون.

دور وزارة الداخلية
وزارة الداخلية المصرية تتعامل مع هذه البلاغات بشكل جدي، خاصة مع انتشارها على السوشيال ميديا. غالبًا ما يتم تحديد هوية المتحرش بناءً على الفيديو أو الصورة أو رقم لوحة السيارة، ثم يتم القبض عليه وإحالته إلى النيابة العامة.

اقرأ أيضًا:

حرامي اللاعيبة، وانت بتلعب كورة خد بالك من شنطتك (شاهد بالفيديو)

في الهرم، ضرب بواب بالشوم والسيوف والسنج و"الناس بتتفرج" (شاهد بالفيديو)