رشا سامي العدل بعد إيداع نجل محمد رمضان بدار رعاية: لموا اللي بيشربوا كوله

دافعت الفنانة رشا سامي العدل، عن نجل الفنان محمد رمضان، بعدما أصدرت المحكمة المختصة، اليوم حكمًا نهائيًا بتأييد إيداع نجل الأخير، في دار رعاية.

وكتبت رشا سامي العدل، عبر حسابها على موقع التواصل الاجتماعي "فيسبوك"، قائلة :"رأيي اللي مخالف لكثيرون، وبعيدًا عن محمد رمضان، اتفقنا او اختلفنا معاه، الطفل مالوش أي ذنب يتعاقب بالشدة دي".

وتابعت رشا سامي العدل، قائلة :"خصوصًا أنه اتربي في مستوي اجتماعي مختلف تمامًا ، ناس هتقول مش متربي، هو برضه مش هيتربي في دار رعاية".

وأوضحت رشا سامي العدل، قائلة :"مع كامل احترامي للحكم و لكن الأولي والأحسن يتعمل حملة زي حملة البلوجرز، يلموا بقي أطفال السنج والمطاوي اللي بيشربوا سجاير وكولة و ماحدش عارف يسيطر عليهم اللي مبدورين زي الرز في شوارع مصر".

وأردفت رشا سامي العدل، قائلة :"وحملة تانية علي سواقين الموتوسيكلات اللي بينتشوا الشنط والموبايلات و سواقين الميكروباصات والتكاتك اللي بيبلطجوا علي الشعب طول ما هما ماشين في الطريق وأوحش الألفاظ في كل المواقف والشوارع علشان دول بيخدشوا الحياء العام و بيتسببوا في كوارث مش بس يوميًا وإنما كل دقيقة و ثانية".

وأكملت رشا سامي العدل، قائلة :"ماعنديش مشكلة يعاقبوا ابن محمد رمضان، بس يرحموا الطفل مش يجلدوه بقسوة، طفل اتربي علي الدلع في بيت مرفه وكل حاجة متاحة مايتحرمش من كل حاجة ومن أهله وبيته ومدرسته وصحابه و تقولوا هايتصلح ده هايتدمر".

واقترحت رشا سامي العدل، قائلة :"حطوه في برنامج تأهيل وإصلاح محترم يتناسب مع حالته بمراقبة من المحكمة وهو في وسط أهله اللي مش هيقصروا ويجيبوا أحسن دكاترة تعديل سلوك لو أمر محكمة وفي نفس الوقت لموا أطفال الشوارع واودعوهم دور رعاية، علشان أغلبهم أهلهم أصلًا رموهم في الشارع ومحتاجين ده".

وأكدت رشا سامي العدل، قائلة :"أنا آسفة بس اتفق أو اختلف مع محمد رمضان، دي حاجة وإن طفل مستقبله كله يضيع ويتدمر نفسيًا ويكبر جواه عقد وكلاكيع يعاني ويخلي غيره يعاني بعدين ده مش حل واقعي أبدًا".

واختتمت رشا سامي العدل، قائلة :"مع العلم إن الولاد اتصالحوا يعني المتضرر أصلا اتنازل عن شكوته!!!، ومع العلم برضه إن ياما أولادنا ضربوا وأتضربوا واتخانقوا مع أصحابهم يعني مش عجبة".

إقرأ أيضًا

هالة صدقي تكشف عن علاقتها بالكاتب الراحل وحيد حامد

أول مصري، أزمة بين محمد رمضان وأنغام للغناء على أشهر مسارح العالم

تابع موقع الأيام المصرية عبر قناة (يوتيوب) اضغط هــــــــــــنا

تابع موقع الأيام المصرية عبر تطبيق (فيسبوك) اضغط هــــــــــنا

تابع موقع الأيام المصرية عبر تطبيق (تويتر) اضغط هــــــــنا

موقع الأيام المصرية، يهتم موقعنا بتقديم خدمة صحفية متميزة للقارئ، ونقدم لكم خدمة ومتابعة شاملة ومجموعة كبيرة من الأخبار داخل الأقسام التالية، أخبار، رياضة، فن، خارجي، اقتصاد، الأيام TV، حوادث، خدمات مثل سعر الدولار، سعر الذهب، أخبار مصر، سعر اليورو، سعر العملات ، جميع الدوريات.