محمد سامي يكتب قصيدة غزل في منى زكي: بحبك يا عظيمة حببتينا في مهنتنا

كتب المخرج محمد سامي قصيدة غزل بديعة، عن الفنانة منى زكي، موضحًا أنها "رمز مشرف للمرأة المصرية" وأيقونة يصعب تكرارها على مدار تاريخها الفني. 

محمد سامي يكتب قصيدة غزل في منى زكي: بحبك يا عظيمة حببتينا في مهنتنا

وأوضح محمد سامي خلال منشور مطول له على صفحته الشخصية على موقع التواصل الاجتماعي "فيسبوك"، إنه لمس خلال لقائه الأخير بالفنانة "منى ذكي" وعيًا وثقافةً وحضورًا متميزًا، مؤكداً أنها الأكثر صدقًا وتأثيراً بين نجمات جيلها، من نجوم الفن.

وإليكم نص قصيدة الشعر والمدح والغزل التي كتبها محمد سامي في الفنانة منى ذكي:

كتب المخرج محمد سامي: ليه منى زكي؟

كنت بتكلم مع منى زكى بسلم عليها وقعدت أتكلم معها شوية، وأدخل من موضوع لموضوع وبعد ما قفلت سألت نفسي أكثر من سؤال، ليه منى زكي فارقة كتير؟، ليه عندها بريق من نوع خاص، ليه هي النجمة الأهم والموهبة الأكبر؟ 

وليه هي سابقة جيلها بفرق كبير جدًا رغم إن جيلها قوي وفيه زميلات نجوم حقيقيين على جميع المستويات وموهوبين وناجحين وقدموا أعمال مهمة ولكن محدش وصل لأنه يبقى منى زكي. 

وليه فضلت من أول يوم ليها كممثلة لحد النهاردة أيقونة، يصعب تكرارها أو القرب من حجم اسمها ومكانتها على المستوى الفني أو على مستوي النجومية والموهبة أو حب الجمهور، ليه منى زكي أكثر ممثلة تصدقها وتتوحد معها.

محمد سامي: لو فكرت في ممثلة تلاقي صورة منى زكي أول صورة في بالك

وليه لو فكرت في ممثلة تلاقي صورة منى زكي هي أول صورة تيجي في بالك، باختصار لأن منى زكي مثقفة متعلمة راقية متطورة مش بتمثل وخلاص ولا تظهر وخلاص ولا تتكلم وخلاص ولا مهتمة بتفاصيل الناس الفاضية.

ست كلامها مرتب وأسئلتها ليها معنى وهدف وأنا بتكلم معها مبلاقيش لحظة من النقاش دخل في جدل بلا هدف، أو كلام من أجل الكلام وخلاص، الست دي وهي تتكلم عن الفن تحب تسمعها ولما توصف الفن تفرح إنك تنتمي ليه من طريقة كلامها عنه.

ولما تناقش معها أي موضوع تلاقي وعي وحكمة وتحضر وثقافة، ست ناجحة وزوجة وأم ناجحة، لما تتفرج على أي مشهد ليها، تلاقيها خلته مش عادي، بتشوف تحضير ومذاكرة ورؤية ومجهود واضح وعلام وعقل مترتب وده بيبان في أصغر التفاصيل.

محمد سامي: منى ذكي بتقدم أي مشهد صعب بشياكة من غير تصنع

بتقدم أي مشهد صعب ببساطة وشياكة من غير تصنع أو تشتيت، طريقتها في النقد شيك وتبسيطها لصعوبة أدوار عملتها، يدل على ثقتها في نفسها اللي بلا حدود، حتى لما نبص للقاءاتها أو لدورها في المجتمع. 

أو كلامها في ندواتها حتى في الإعلانات اللي قدمتها أو أفلامها ومسلسلاتها أو لبسها في أي ظهور ليها حتيَ لو مش رسمي، تلاقيها بتعرف تنتقي وتلاقي دايمًا في جودة ورمز مشرف للست المصرية.

بجد الكلام على عظمة منى زكي صعب يخلص في بوست، بس حسيت بعد ما قفلت معها إني عاوز أكتب كده، من كتر ما استمتعت بالكلام معها كالمعتاد.

محمد سامي: يا بخت الفن المصري والعربي بنجمة النجوم منى ذكي

يا بخت الفن المصري والعربي بنجمة النجوم منى زكي، وبخت كل فنان وفنانة حضرها ونسب لفترة هي فيها، يا بخت كل زملائها اللي من جيلها، إنهم من جيل منى زكي وبخت كل ممثلات الجيل اللي بعدها، إنهم عندهم منى زكي يتعلموا منها. 

اقرأ أيضًا:

أحمد السقا يستعد لبدء تصوير فيلم هيروشيما، الموعد والتفاصيل

صراع نفسي وجسدي، أحمد السقا يكشف تفاصيل أزمته مع طليقته مها الصغير

خاصةً إنها جيل أكبر، بس عشان بدأت صغيرة، إنما مش أكبر منهم سنًا بالعكس، ما شاء الله عليها قمر، وفي عز شبابها ومحافظة علي شكلها وأناقتها، ربنا يديم على الفن نعمة منى زكي، ودايما ناجحة ومتفوقة وبتمتعنا بكل دور بتقدمه، وكل مشهد تُأديه، بحبك يا عظيمة ياللي حببتينا ولسه بتحبيبنا أكتر في مهنتنا

Mona Zaki ❤️❤️❤️❤️❤️

تابع موقع الأيام المصرية عبر قناة (يوتيوب) اضغط هــــــــــــنا

تابع موقع الأيام المصرية عبر تطبيق (فيسبوك) اضغط هــــــــــنا

تابع موقع الأيام المصرية عبر تطبيق (تويتر) اضغط هــــــــنا

موقع الأيام المصرية، يهتم موقعنا بتقديم خدمة صحفية متميزة للقارئ، ونقدم لكم خدمة ومتابعة شاملة ومجموعة كبيرة من الأخبار داخل الأقسام التالية، أخبار، رياضة، فن، خارجي، اقتصاد، الأيام TV، حوادث، خدمات مثل سعر الدولار، سعر الذهب، أخبار مصر، سعر اليورو، سعر العملات ، جميع الدوريات.