بحب الفساتين القصيرة ونظرات الإعجاب، هند فاروق تعلن ارتداء الحجاب وتتمنى الثبات (صور)

فاجأت المذيعة هند مدحت فاروق، الجميع، بإعلانها ارتدائها الحجاب، وحذف كل صورها السابقة بشعرها من على موقع التواصل الاجتماعي إنستجرام.

وكتبت هند: "عمري ما غلبت في الكلام.. ولا اتحطيت في موقف و كنت مش عارفة أقول ايه.. بس أنا فعلاً مش عارفة أكتب حاجة ولا أقول حاجة.. مكنش عندي شك أن اللحظة دي هتيجي تاني.. كنت واثقة في ربنا إنه عارف اللي جوايا ..عارف أنا بحبه قد ايه و مش بتبسط في أي مرة بعصيه فيها سواء في الكبائر أو الصغائر.. أنا بقالي ٤ سنين مصدعة صحابي.. أنا عايزة اتحجب.. مش قادرة بس عايزة.. بحب شعري قوي .. و بحب البحر و التان.. بحب الفساتين القصيرة و الحفلات و السهر و المزيكا.. بحب نظرات الإعجاب بجمالي في عين أي حد بيشوفني راجل أو ست .. بحب شغلي قوي اللي يمكن الحجاب يغير شكلو ..او يخليني مقدرش اعملو تاني..بس بحب ربنا اكتر..بس مش قادره احول الحب لفعل ..مش عارفه اخد الخطوه دي..انهارده عيد ميلاد جديد ليا..ميلاد لحياه جديده مبدأتش انهارده..بدأت من سنه ..و ركزت فيها من ٦ شهور بس.. انا مش هعرف اكتب كل حاجه جوايا..بس انا اتحجبت بدعوات امي و ابويا و اخواتي..و دعوات كل بنت هنا كانت لما بتشوفني بطرحه في العمره او اي حاجه تدعيلي..فا انا عايزاكو تكملو دعا ليا..بس المرادي بالثبات..ربنا بس اللي عارف القرار ده خد مني قد ايه ..بس انا دلوقتي مرتاحه و مطمنه اكتر و عارفه و واثقه انه هيساعدني..ادعولي..كتير ..بالثبات و اني ربنا يقدرني و البسو بالطريقة الصحيحة اللي ترضيه".

في سياق متصل، حذفت هند فاروق جميع صورها القديمة التي كانت تظهر فيها بدون حجاب، مما يشير إلى رغبتها في بدء مرحلة جديدة والتزامها بقرارها.

اقرأ أيضًا:

مشوي يا درة، شاهد بالفيديو لمة عيلة الفنان الراحل فريد شوقي في المصيف

بالفيديو والصور، إطلالة جريئة للفنانة رانيا منصور وشقيقتها