معتز اينو: قعدت في مكتب مرتضى منصور 12 ساعة علشان أجدد للزمالك ورفض يقابلني (فيديو)
كشف معتز إينو نجم الأهلي الأسبق، كواليس رحيله عن الزمالك وانتقاله للمارد الأحمر، بعد تجاهل مسئولي القلعة البيضاء تجديد عقده.
وقال معتز إينو الذي حل ضيفا على الإعلامي عمر ربيع ياسين في برنامجه «مان تو مان»: «بص أنا قبلها بفترة كنت بلعب كويس ومنتخب مصر لكن في نادي الزمالك كان يقولك ابن النادي أو الولد الصغير مش لازم يجدد دلوقتي، دائما اللي جاي من بره هو المرغوب وييجوا على اللاعب الصغير».
وتابع إينو: « كنت مكسر الدنيا وبجيب أجوان.. قولتلهم يا جماعة عاوز أجدد ومحدش سأل فيا، وقبل ما أروح الأهلي السنة دي كنت بجيب أجوان وأنا اللي بخلص المباريات، يا جماعة عاوز أجدد وأنا اللي بلعب وبروح المنتخب وكنت بأخذ 50 أو 60 ألف جنيه حاجة كده وكل الصفقات اللي جاية من بره مش بتلعب وبتاخد أرقام».
وأوضح نجم الأهلي السابق: « كنت لسه صغير وخاطب وعاوز أجهز نفسي وأظبط دنيتي لكن محدش بيسأل فيا، في مرة المستشار مرتضى منصور قالي تعالى الساعة 12 رحت أنا وأبويا الساعة 12 الظهر وأتاري أنها 12 بالليل، وفضلت قاعد ومروحتش ومستني في المكتب وبرضو مقابلتوش وحد طلع قالنا تعالوا وقت تاني، فالمواقف دي بتنهي أي حاجة».
وعن مفاوضات الأهلي، قال: "لما النادي الأهلي أتدخل الموضوع اتغير خالص، كنت عاوز أروح أشوف الدنيا هناك وأكيد عقد مالي كبير ومانويل جوزيه اللي طلبني فالموضوع كان نقله تانية هتجيب اللي نفسك فيه، والنادي الأهلي نادي كبير وأي حد يتمنى يلعب فيه وكان مكتسح البطولات وفعلا الدنيا أتغيرت معايا".
معتز إينو: عملت محضر إثبات حالة للزمالك في القسم بخطة من الأهلي
كما كشف معتز إينو، نجم النادي الأهلي السابق، كواليس رحيله عن نادي الزمالك التي وصلت لقيامه بتحرير محضر إثبات حالة بأحد أقسام الشرطة، بتوصية من مسؤولي الأهلي.
وقال معتز إينو: «الزمالك لمّا حس أنني وقعت على عقود الأهلي، بقي يخليني أجي التمرين خمسة الصبح».
معتز إينو: عملت محضر ضد الزمالك في قسم العجوزة
وأضاف معتز إينو: «كنت ملتزم بردو وبروح الفجر وفجأة لقيتهم بيقولوا دا مش بييجي التمرين، فروحت عملت محضر إثبات حالة في قسم العجوزة، والأهلي اللي كان قايلي اعمل كدا».
وأكمل معتز إينو: «لما اتاكدوا بقي اني وقعت للأهلي سفروني معاهم ونزلوني لعبت آخر دقيقة في ماتش افريقي عشان مشاركش مع الأهلي إفريقيا».
اقرأ أيضًا:
«بسبب الجعان»، الأهلي يدرس مقاضاة مشجع محلاوي بعد تعديه على زيزو لفظيًا
التشكيل المثالي للجولة الثانية من الدوري الإسباني، تألق لاعبي فياريال وتواجد مبابي
قمة مبكرة، موعد مباراة الأهلي وبيراميدز في الدوري المصري الممتاز والقنوات الناقلة
تابع موقع الأيام المصرية عبر قناة (يوتيوب) اضغط هــــــــــــنا
تابع موقع الأيام المصرية عبر تطبيق (فيسبوك) اضغط هــــــــــنا
تابع موقع الأيام المصرية عبر تطبيق (تويتر) اضغط هــــــــنا
موقع الأيام المصرية، يهتم موقعنا بتقديم خدمة صحفية متميزة للقارئ، ونقدم لكم خدمة ومتابعة شاملة ومجموعة كبيرة من الأخبار داخل الأقسام التالية، أخبار، رياضة، فن، خارجي، اقتصاد، الأيام TV، حوادث، خدمات مثل سعر الدولار، سعر الذهب، أخبار مصر، سعر اليورو، سعر العملات ، جميع الدوريات. .
