"ياللي طبطبت عليا"، ريهام عبد الغفور ترثي مدير التصوير تيمور تيمور

أعربت الفنانة ريهام عبد الغفور عن حزنها الشديد لفقدان مدير التصوير تيمور تيمور، موضحه موقفه في حياتها الشخصية، تحديدًا في حزنها وأزمتها عندما رحل والدها.

رثت ريهام عبد الغفور مدير التصوير الراحل تيمور تيمور،واسترجعت كل حب مر في حياتهم من بينهم أهل وأهل زوجته، واصدقائه حتى العاملين معه في مشواره الفني، ورحمته بالأخرين، متحدثه عن جبر الخواطر التي كان يتميز به تيمور تيمور.

ريهام عبد الغفور تعدد الصفات الحسنة في مدير التصوير تيمور تيمور

وشاركت ريهام عبد الغفور متابعيها عبر حسابها الرسمي على موقع التواصل الإجتماعي فيس بوك، منشورًا طويلًا، وأرفقته بصورة الراحل تيمور تيمور.

وتحدث ريهام عبد الغفور عن تأثيره فيى حياة كل من حوله، وكتبت: "يا حبيب قلبي يا تيمور ياللي أهل بيتك بيقولو عليك كنت حنين وفرقوش وطيب وبتحب أوي جبر الخواطر".

واستكملت متحدثه عن ما ذكره به أهل زوجته وقالت : " ياللي أهل مراتك بيقولوا عليك لما دخلت حياتهم جبتلهم الأمان والسلام".

أقرأ أيضًا

توقف قلبه بعد إنقاذ نجله، خبير يحلل سبب وفاة تيمور تيمور

تيمور تيمور.. عزاء لم يحضره سوى النجوم (صور)

فيديو بكاء منى عبد الغني على الهواء، والفنانة: الشهداء 5 منهم تيمور تيمور

تيمور تيمور مثل في ايه؟ أعماله في الشاشات المصرية

بألبوم من الذكريات، أروى جودة تنعى مدير التصوير تيمور تيمور

وأضافت: “ياللي أمك بتقول عليك كنت بني أدم حنين و كويس أوي وابن بار”، ياللي  زمايلك وأصحابك بيقول عليك كنت مسهل عليهم حياتهم، ياللي كنت بتفطر كل يوم مع العمال في طبق واحد في اللوكيشن، ياللي مخلص لشغلك".

وتطرقت ريهام عبد الغفور لتضحيت تيمور تيمور بحياته من أجل إنقاذ نجله وقالت: “ياللي ضحيت بحياتك عشان تنقذ ابنك”.

ريهام عبد الغفور : كنت فاكرة عمري ما هتوجع تاني بعد أبويا

 وأشارت ريهام عبد الغفور أن وجع فقدان تيمور تيمور، جدد عليها شعورها بالانهيار عند فقدان والدها، وقالت: “ياللي قعدت تسمعني وانا بقولك إني قلبي انكسر على أبويا وتطبطب عليا، وكنت فاكره أن عمري ما حتوجع تاني بس فراقك وجعني أوي أوي أوي ووجع كل حد عرفك، كل الناس بتحبك وبتدعيلك وعمرها ما حتنساك، عشان أنت سبت أثر وحكايه حلوة عند أي حد عرفك ، ربنا يسعدك في الجنة ويجعلك في أعلى درجاتها، ويجمعنا بيك وبالغالين في الجنة يارب، أسألكم الفاتحة والدعاء”.