بسبب السوشيال ميديا.. الزمالك يتخذ إجراءات صارمة ضد عمار ياسر
أثار عمار ياسر لاعب الزمالك الشاب حالة من الجدل، بعد شكواه من من سوء معاملة مسؤولي القلعة البيضاء وعدم حصوله على مستحقاته المالية لفترة طويلة.
عمار ياسر: سئمت المعاملة السيئة في الزمالك
وقال عمار ياسر عبر حسابه الشخصي على «إنستجرام»: «أنا كنت ساكت ومش حابب أتكلم في حاجة زي دي، لكن كل يوم الموضوع بيزيد عن حده».
وتابع: « أنا من ساعة ما رجعت للناشئين من سنة وأكثر وأنا بتعامل بأسوأ معاملة عكس باقي زمايلي، وللأسف ولا كأني كنت طالع غضب عن حد، أو واخد مكان حد، من السنة اللي فاتت لحد دلوقتي بيجيلي عروض إعارة وبيع، وكلها كانت بترفض من غير ما أعرف مين السبب».
وواصل: « من شهر 8 اللي فات وأنا محدش مديني فلوس من النادي، يعني بقالي سنة كاملة مش باخد فلوس ومعترفتش، ولما أتكلم حد ، بيقولوا مفيش فلوس وإن النادي بيمر بأزمة، طب أنا أعيش إزاي وأصرف منين؟».
واختتم: « بعد كل ده، مطلوب منك تيجي التمرين وتلعب ومتتكلمش، أنا مش بشتكي، أنا بس حبيت أعرف الناس أنا في إيه وبيمر بإيه».
أول إجراء من الزمالك ضد عمار ياسر
قال الإعلامي أمير هشام في تصريحات تلفزيونية، إن عمار ياسر لاعب فريق 2005 بنادي الزمالك لديه مشكلة مع النادي ولم يتقاضى مستحقاته منذ عام كامل، واشتكى من سوء المعاملة عبر السوشيال ميديا، مشيرًا إلى أنه ليس اللاعب الوحيد الذي لم يحصل على مستحقاته منذ فترة طويلة بل أكثر من غالية عناصر فريق الشباب لم يتقاضوا مستحقاتهم.
وأضاف: قرر بدر حامد رئيس قطاع الناشئين توقيع عقوبة على اللاعب عمار ياسر لاستخدامه السوشيال ميديا دون إذن، اللاعب خرج عن صمته خصوصا أنه لم يحصل على أي أموال منذ فترة طويلة.
اقرأ أيضًا..
«أهلاوي من صغره»، جماهير الزمالك تهاجم مراقب مباراة الأهلي ومودرن سبورت بعد واقعة حسام حسن
موعد مباراة باريس سان جيرمان وتوتنهام في السوبر الأوروبي 2025 والقنوات الناقلة
