صبري فواز لمن يرفضون الترحم على روح لطفي لبيب: دي حاجات ربنا لوحده

وجه الفنان صبري فواز، نقدا حادا لبعض رواد السوشيال ميديا، عقب تعليقات بعدم الدعاء بالرحمة للفنان الراحل لطفي لبيب، عبر حسابه الرسمي على موقع التواصل الاجتماعي "فيسبوك".

وكتب صبري فواز، قائلًا :"هل تعلم أيها اللطخ، ياللي بقى في إيدك موبايل و بتكتب ( ماينفعش نترحم على لطفي لبيب)". 

وتابع صبري فواز، قائلًا :"إنه ساعة ما كان أبوك بيتعلم المشي لسه، كان الأستاذ لطفي لبيب، بيحارب العدو على الجبهة؟!، كأحد أبطال حرب أكتوبر اللي دخلوا الجيش سنة 67، وفضل لحد ما خلصت حرب أكتوبر 73".

وعبر عن غضبه، قائلًا :"يا أخي يلعن أبو اليوم اللي يخلي بتاع زيك يقول كده على أبو اللي سمم عقولكم و أرواحكم بالشكل ده".

وأضاف صبري فواز، في بوست آخر، قائلًا :"رسايل كتير على موضوع ( الله يرحمه )، فيه اللي روحه و دماغة خربانين تمامًا ولا يرجي لهم شفاء، وفيه اللي روحه طيبة بس دماغه متلخبطه". 

واستطرد:"البوست ده، للنوع التاني اللي قلوبهم طيبة و دماغهم متلخبطة، شوف يا سيدى، مش إحنا اللي بنرحم و لا إحنا اللي بنعذب، ولا إحنا اللي بنمنح ولا إحنا اللي بنمنع (دي حاجات بتاعة ربنا لوحده ، لا شريك له )".

واختتم صبري فواز، قائلًا :"كل الحكاية إن إحنا ( بندعي ) ربنا للي بنحبه، وهو سبحانه صاحب القرار".

وفاة لطفي لبيب

ورحل لطفي لبيب، في الساعات الأولى من صباح يوم الأربعاء، متأثرًا بمرضه سرطان الحنجرة، عن عمر يناهز الـ 77 عامًا.

وسبق أن كشف محمد الديب، مدير أعمال لطفي لبيب، في تصريحات خاصة لـ "الأيام المصرية"، عن تعرض لطفي لبيب، لنزيف حاد على الرئة، يوم الأحد الماضي، ونقل على إثره للمستشفى مرة آخرى عقب خروجه منها بأسبوعين.

وأضاف محمد الديب، أن لطفي لبيب، عقب توقف النزيف عانى من صعوبة التنفس بشكل كبير للغاية، ليضطر الفريق الطبي وضعه على أجهزة التنفس الصناعي بغرفة العناية المركزة.

واستقرت أسرة الراحل لطفي لبيب، على تشييع جثمانه اليوم الخميس، عقب صلاة الجِنَاز التي ستُقام بكنيسة مار مرقس بمصر الجديدة الساعة 12 ظهرًا، واستقبال عزائه بالكنيسة نفسها في تمام الساعة 6 مساءً وحتى الساعة 10 مساءً.