يوسف معاطي يكشف سر جملة "الشاي بالياسمين"

حل السيناريست يوسف معاطي، ضيفًا في برنامج "واحد من الناس"، الذي يقدمه الإعلامي عمرو الليثي، عبر شاشة قناة "الحياة".

وقال يوسف معاطي، إن خفة دم الشعب المصري وقدرته على الضحك في أصعب الأوقات، هي دي اللي خلت مصر العظيمة تعيش 7000 سنة.

وأضاف يوسف معاطي، أنه مهما مر من أوقات تخللها بعض المشاكل، بضحكة المصري وابتسامته وخفة دمه، اللي أنا بعتبرها "أمن قومي"، على حد قوله، دا سر تخطينا كل الصعاب.

وتابع يوسف معاطي، قائلًا :"يعني أنا واحد من الناس اللي بيمارسوا الكوميديا في مصر، وواحد من الشعب المصري اللي فيه ملايين من ظرفاء مصر، واللي عشنا عليهم طول العمر اللي فات".

وأردف يوسف معاطي، قائلًا :"في اعتقادي إن الكوميديا، لو لم يكن بها شيء من الوجع تبقى هزار وما تقعدش وما يبقى لهاش قيمة".

واستكمل يوسف معاطي، قائلًا :"أنا أعتقد إنه يعني من أعتبره يعني من يعني تعلمت على يديه من خلال القراءة، يعني موليير، موليير هو أهم كاتب كوميدي في العالم، مش في فرنسا بس، لأن كانت فيه كثير من الشجن ومن الحزن جوه الكوميديا بتاعته، عشان كده النوعية أو الإفّيهات اللي حضرتك تفضلت يعني وقلت عليها، لازم هتلاقي في موضوع".

إقرأ أيضًا

بعد حفلات الساحل الشمالي، مصطفى كامل يشطب 3 مطربين (تفاصيل)

فيلم سفاح التجمع الخامس يظهر للنور، أحمد الفيشاوي يجهز لمشهد الإعدام

وأكمل يوسف معاطي، قائلً :"جملة زي الشاي والياسمين وكده، كنا بنتكلم على نقطة مهمة جدًا، تتحدث على فكرة الرشوة، وإن العمل الفني يخش في مناطق مهمة وخطيرة، وفي نفس الوقت نضحك". 

وأوضح يوسف معاطي، حديثه قائلًا :"الكوميديا اللي مالهاش جانب حزين أو جانب نقدر نقول فيه شجن، تبقى كوميديا خفيفة، ما تقعدش، يعني لا تمكث طويلًا".