شيماء الأولى على الدبلومات الفنية: كنت محبطة في البداية وبهدي نجاحي لأسرتي (خاص)

عبرت شيماء حسن أحمد، الأولى على الدبلومات الفنية (التجاري) عن فرحتها الكبيرة بعد تحقيق حلمها بالنجاح وتفوقها رغم الصعوبات والتحديات، وأهدت نجاحها لوالديها وأسرتها.

الأولى على الدبلومات الفنية: الكل كان بيحبطني، بس أنا كان ليا رأي تاني

قالت شيماء في تصريح خاص لـ موقع الأيام المصرية: "كله كان بيقولي هتخلصي الدبلوم وتقعدي ومش هتكملي، واللي دخل الثانوية العامة هينجح وإحنا لا، فقولت هدخل تجارة وأعمل اللي عليا، وإن شاء الله خير".

وأضافت شيماء: "كنت محبطة في الأول لما دخلت تجاري، لكن بعدين الموضوع بقى عادي، والحمد لله ربنا كرمني".

شيماء: بهدي نجاحي لبابا في تربته

وأضافت: "كنت بذاكر وبعمل جدول وبدعي ربنا، والحمد لله إني حققت حلمي وقدرت أنجح"، وتابعت عن دعم أسرتها قائلة: "أخواتي كانوا بيذاكروا معايا ومش بيسيبوني، وكانوا دايمًا بيدعموني".

وأكدت شيماء أن تفوقها هو فضل من الله: "نجاحي بفضل ربنا، وبهديه لماما وبابا في تربته".

أقرأ أيضًا:

بعد ظهور نتيجة الدبلومات الفنية 2025، اعرف الكليات المتاحة

إعفاء أوائل الدبلومات الفنية 2025 من قواعد التوزيع الجغرافي

الأول على المدارس الصناعية: كنت بذاكر ساعتين في اليوم ونفسي أدخل هندسة (خــاص)

نتيجة الدبلومات الفنية 2025 في محافظة شمال سيناء، متاحة عبر هذا الرابط

وأشارت إلى أسباب نجاحها: "كنت قلقانة إني محققش حلمي، وكنت دايمًا بدعي يا رب أدخل تجارة، ولو خير ليا يقربه ليا، ولو شر يبعده عني، والدعاء كان أهم سبب من أسباب نجاحها".

لا يفوتك

الأول على المدارس الصناعية: كنت بذاكر ساعتين في اليوم ونفسي أدخل هندسة (خــاص)

رابط تنسيق الدبلومات الفنية 2025 بعد اعتماد وزير التعليم النتيجة

بعد ظهور نتيجة الدبلومات الفنية 2025، اعرف الكليات المتاحة

نتيجة الدبلومات الفنية 2025 في محافظة أسوان، رابط مباشر وفعال من هنـــــا

شيماء: المحاسبة كانت التحدي الأكبر ليا

وعن أصعب المواد بالنسبة لها، قالت: "أكتر مادة كنت بخاف منها هي المحاسبة، لكن الحمد لله عدت على خير".

ووجهت شيماء رسالة ملهمة لزملائها وطلاب الدبلومات الفنية المقبلين على الدراسة: "لازم تتحدوا وتواجهوا وتعدوا الصعوبات، مفيش حاجة صعبة ولا بعيدة على ربنا أبدًا، أعملوا إللي عليكم وإن شاء الله ربنا يكرمكم".