لا تشارك مستنداتك مع الذكاء الاصطناعي، 5 مخاطر قد تدمر حياتك

في ظل الاستخدام المتزايد لتطبيقات ونماذج الذكاء الاصطناعي مثل "ChatGPT" و"Gemini"، حذر شحاتة السيد، خبير الذكاء الاصطناعي، من مشاركة المستندات أو البيانات الحساسة مع هذه الأنظمة، مؤكدًا أن ما يبدو أداة ذكية للمساعدة قد يتحول إلى خطر داهم على خصوصية المستخدمين.

مشاركة البيانات قد تكون أخطر مما تعتقد

كتب السيد عبر صفحته على "فيسبوك": تحذير مهم جداً
في ناس كتير بتدخل تكتب أسرارها لنماذج الذكاء الاصطناعي زي ChatGPT وهي متطمنة وبيحكيله أو بتحكيله مشاكلها العائلية أو تفاصيل شغله أو تلاقيه يبعتله أرقام أو عقود أو أسرار خطيرة، كأنه بيكلم صديق عمره، ودي أكبر غلطة هتودي صاحبها في داهية إن مكانش النهارده هيبقى بكره.

علشان كده اللي لازم الناس تعرفه إن اللي بيكتبوه بيتسجل، وبيتحفظ في قواعد بيانات النماذج وبيتم استخدامها في إعادة تدريبها وتطويرها علشان تقدر تتفاعل بشكل أكبر مع حضرتك فحضرتك تنبسط وتشارك معلومات أكثر ظناً منك إنه خلاص بقا يفهمك أكتر من نفسك.

لا تشارك معلوماتك حتى لو الشركة بتقول إن بياناتك آمنة، مفيش حاجة أمان كامل، وحط ف بالك إن أي معلومات قد تؤذيك لو حكيتها لغيرك تأكد مليون % إن الذكاء الاصطناعي هيفشخك بيها حرفياً، فخد بالك كده وخليك حريص يا صديقي، وخليكي حريصة يا مدام علشان منروحش بعد كده نلاقي صور حضرتك بتتباع في مواقع البورنو بعد ما الذكاء الاصطناعي أضاف لمسته عليها وحولها لصور جنسيه.. وده بالمناسبة لو محصلش السنة دي هيحصل بعد كام سنة، لأنه زي ما فيه ناس بتستخدمه في الخير فيه ناس أكتر بتستخدمه في الشر.

الكارثة الأكبر إنه فيه ناس كتير بتشاركأسرار شركاتها ظناً منه إنه بيختصر الوقت وبيوفر فلوس، ده حقيقي وصحيح لكن مش النماذج دي اللي ممكن نستخدمها كده، فيه حاجات بتتعمل مخصوص للشركات وبتكلف فلوس كتير علشان تكون مخصصة فقط لشركتك وف نفس الوقت بتكون مسيطر على المعلومات وف أمان، تلاقي يا اخي الواحد بيتناصح وبيشارك خطط مالية، ابتكارات لسه ما خرجتش للنور، أو أسرار شغل داخلية، طيب تخيل نفسك لو المعلومات بعد ما اتعاد تدويرها وبقا بيشاركها مع ملايين المستخدمين غيرك، مش كده ممكن تدمر شركتك يا صاحبي ، وتسببلك في خسائر كبيرة، أو تفتح أبواب لقضايا وتشوه سمعتك!.

والمصيبة بقا اللي يقولك هنخليه طبيب نفسي، أو يقوم بدور الطبيب ويكتبلي علاج، بلاش نسمع للناس دي يا جماعة، صحيح النماذج عندها قدرة على مجاراة الحديث في الجانب النفسي، لكن لا يمكن أبداً استخدامها في هذا الأمر، وزي ما قولت فوق عن الشركات علشان نستخدمه بالشكل ده لازم نماذج مدربه ومتخصصة وتحت إشراف أطباء متخصصين أو مستشفى متخصصة.

خد بالك واحذر حتى لو الشركات بتحلف إنها بتحمي خصوصيتك، لازم تفتكر إن اللي قدامك مش بني آدم ولا عنده ضمير، اللي قدامك خوارزمية بتسجل كل حرف، وتأكد إن الشركات دي كل همها إنها تكسب بس، ولو هكلمكم على مصائب اتسبب فيها مشاركة البيانات الحساسة هنزعل كلنا ونضايق.

بعد كله ده هل الذكاء الاصطناعي مش مفيد.. لا مفيد جداً تابع البوست الجاي وانت هتعرف💪

5 مخاطر خفية وراء مشاركة المستندات مع الذكاء الاصطناعي

• انتهاك الخصوصية: لا يوجد أمان رقمي بنسبة 100%. مشاركة بياناتك قد تعني تخزينها لأغراض مستقبلية.
• إعادة استخدام المعلومات: يمكن للنظام أن يستعين بما أدخلته لمساعدة مستخدمين آخرين دون قصد.
• استغلال الصور والمحتوى الشخصي: حذر الخبير من استخدام الصور لإنتاج محتوى مزيف أو غير أخلاقي، مثل الصور الجنسية المعدّلة.
• تسريب أسرار الشركات: مشاركة خطط مالية أو معلومات داخلية قد يؤدي إلى خسائر فادحة أو قضايا قانونية.
• الاستخدام الخاطئ كطبيب نفسي أو قانوني: النماذج ليست بدائل آمنة للمتخصصين في الصحة أو القانون.

هل الذكاء الاصطناعي خطر؟ ليس بالضرورة

أوضح السيد أن الذكاء الاصطناعي مفيد للغاية إذا استُخدم بشكل مسؤول، مضيفًا: "المشكلة مش في الأداة، المشكلة في إساءة الاستخدام. لو استخدمته في الحاجات الصح، تحت إشراف متخصصين، هيساعدك جدًا. لكن لو شاركت أسرارك معاه، ابق قابلني".

الحل: استخدم أدوات آمنة ومخصصة

أوصى الخبير باستخدام نماذج خاصة بالشركات تكون مغلقة وآمنة، وتدار ضمن بيئة بيانات محمية، خاصة عند التعامل مع معلومات حساسة أو ابتكارات قيد التطوير.