مرض الفنان ادوارد بالسرطان بسبب حقن التخسيس.. فيديو

مرض الفنان ادوارد بالسرطان بات حديث مواقع التواصل الإجتماعي خلال الساعات الماضية بعدما كشف الفنان الشهير عن تفاصيل إصابته بالمرض الخبيث.

وخلال حلقته مع إسعاد يونس في برنامج صاحبة السعادة تحدث إدوارد عن غصابته بالسرطان قائلا :" مريت الكام شهر اللي فاتوا دول بأسوأ شهور حياتي، بجد".

 وشرح إدوارد تفاصيل اكتشاف إصابته بالسرطان قائلا :" الموضوع ابتدى لما المخرج محمد سامي طلب منى عدم حلاقة شعري وذقني من أجل أحد الشخصيات في مسلسل معين فقررت أن أفقد الوزن وألجأ لحقن التخسيس التي داومت عليها لمدة 6 شهور، ونزلت حوالي 15 كيلو، وجربت نوع آخر ومن هنا بدأت المشاكل".

مرض الفنان ادوارد بالسرطان.. الدكتور قاللي إحنا شاكين إن عندك كانسر

ويضيف إدوارد قائلا :" “فجأة قعدت حوالي 4 أيام لا بدخل حمام، ولا باكل، ولا بحط حاجة في بقي، وسخونة، وبقيت مش عارف إيه، فابتديت أتوتر، رحت للدكتور أحمد عامر، بتاع الجهاز الهضمي، فقال لي: ده حصل لك شبه شلل في المعدة، بسبب إن الأكل ما اتهضمش، بعد كده الدكتور كشف علي بالسونار، ولقى كيس ميه على الكلى اليمين، فطلب مني أشعة بالصبغة، وفوجئت بالددكتور بيقولي ”إحنا شاكين إن عندك كانسر'.

وببكاء وتأثر أكمل إدوارد :" الكلمة دي تخض، قعدت ألف على دكاترة وأسأل في أمريكا، لحد ما رحت للدكتور محمود عبد الحميد، فقال لي: 'أنت عندك كانسر في المرحلة الأولى، وفي نص الكلية الشمال، ولازم الكلية كلها تتشال".. اتصدمت، وقعدت أبلّم كده قدامه ومش مصدق، فقال لي: 'دي هدية من ربنا إنك اكتشفت الموضوع ده بالصدفة، لأنه ما بيبانش غير في المرحلة التالتة أو الرابعة بعد ما يكون انتشر'.

وأشار إدوارد إلى سوء حالته النفسية وقتها قائلا :" ما كنتش قادر حتى أحكي لولادي، مراتي بس اللي كانت عارفة. جيت مرة لابني وقلت له: 'تعرف أبوك جامد ولا لأ؟ بص، أنا عندي كذا وكذا' حاولت أخلي الموضوع طبيعي قدامه، بس أنا من جوايا مش قادر أتحمل. 

وأضاف: قررت أعمل العملية في يناير،و كنت كل ما أقعد لوحدي، أعيط ، وبعدها جالي جلطة في القلب، عملت قسطرة و3 دعامات، وبرضه مش مصدق اللي بيحصل لي، الغريب إني بعدها على طول كنت عندي تصوير حلقة رأس السنة مع هشام عباس وشيماء سيف، ما قلتش لحد حاجة، طلعت من المستشفى، نمت في البيت، وتاني يوم خدت المارك وطلعت على البرنامج وصورت الحلقة، ولا كأني في حاجة.. ابتديت أتعايش".