أحمد مرتضي منصور: « بتفائل لو لبست فانلة حمراء ليلة مباراة الأهلي والزمالك»
كشف أحمد مرتضي منصور عضو مجلس إدارة نادي الزمالك السابق عن تفاؤله بلبس فانلة حمراء ليلة مباراة القمة أمام الأهلي.
وقال أحمد مرتضي خلال تواجده ضيفا مع عمر ربيع ياسين ببرنامجه مان تو مان عبر صفحته الرسمية: «كنت في فترة انا ووالدي في مجلس النواب ومجلس الزمالك في نفس التوقيت».
وأضاف أحمد مرتضي: «اتفائل بلبس فانلة حمراء ليلة مباراة الأهلي والزمالك وقراءة سورة ياسين طوال المباراة ».
وأكمل أحمد مرتضي منصور: «والدي يتفائل بلبس بدلة معينة لبسها في كل البطولات اللي حصدناها وهما كتير بس الناس نسيت».
تبادل الزيارات بين الخطيب ومرتضي
كما لا يستبعد أحمد مرتضي منصور عضو مجلس إدارة نادي الزمالك السابق، تبادل الزيارات بين مرتضي منصور ومحمود الخطيب رئيس الأهلي بعد الصلح الذي تم مؤخرا بين الطرفين .
وقال أحمد مرتضي: «مش بعيد يحصل تبادل الزيارات بين مرتضي منصور ومحمود الخطيب خلال الفترة المقبلة..كابتن بيبو حضر فرحي ..وبنته كانت زميلتي في المدرسة وجوز بنته دفعتي وناس محترمة جدا ».
وتابع أحمد مرتضي: «تربطني علاقة قوية بمحمد سراج ومحمد الجارحي عضوا مجلس إدارة الأهلي وهما ناس محترمة جدا».
وأكمل أحمد مرتضي منصور :«مبحبش أعمل خلافات مع حد».
أحمد مرتضي:عضو مجلس الزمالك قالي مقدرش أشكر والدك..ممدوح عباس هيزعل
كشف أحمد مرتضي منصور عضو مجلس إدارة نادي الزمالك السابق تفاصيل حواره مع أحد أعضاء مجلس الزمالك.
وقال أحمد مرتضي: «أنا علي تواصل مع بعض أعضاء مجلس الزمالك الحالي.. ولما حصل هجوم علي واحد منهم بسبب تراجع نتائج العاب الصالات كلمته قولتله اطلع قول انكم بتبنوا فريق ..وفعلا طلع قال كدا بس في الاخر جاب سيرة المديونيات وخبط فينا ».
ويضيف أحمد مرتضي: «مرة تاني طلع عضو مجلس إدارة يتكلم عن فرع الزمالك الجديد اتصلت بيه قولتله فيها المفروض تشكر مرتضي منصور اللي رجع الأرض دي ودفع فلوسها من جيبه.. قالي مينفعش ممدوح عباس هيزعل ».
وأكمل احمد مرتضي منصور: «معرفش ليه مش بنكبر بعض ..الناس في الأهلي بيتكلموا لحد دلوقتي عن إنجازات الفريق مرتجي وصالح سليم وحسن حمدى وعبده صالح الوحش.. ليه عندنا مش بنتكلم عن حلمي زامورا وعن كمال درويش ومرتضي منصور وممدوح عباس.. الأهلي قوي ومسمحش يبقي عنده مجالس بالتعيين لكن إحنا بنضعف نفسنا ونقول معناش فلوس».
