إيناس عز الدين تطرح كليب "كفاياك تعبت" على يوتيوب| فيديو

طرحت المطربة إيناس عز الدين أحدث أعمالها الغنائية بعنوان "كفاياك تعبت"، من إنتاج شركة  لايف ستايلز ستوديوز، وطرحته عبر قناتها الرسمية على موقع "يوتيوب"، في خطوة جديدة ضمن مشوارها الفني.

فريق عمل أغنية كفاياك تعبت

كلمات: محب غبور

ألحان: عمر عادل

توزيع موسيقي: محمد ياسر

إخراج الكليب: جميل جميل المغازي

كلمات أغنية كفاياك تعبت إيناس عز الدين

كفاياك تعبت معاك شبعت حجج ومبررات 
ده لحد أمتى عايزني اقدم لك ف تنازلات 
مابقاش فيه حاجة بتتعمل وياك مابعملهاش

كل اللي هامك ترضي نفسك مهما ليك اتقال 
الحب عمره ما كان كده بالشكل ده استغلال 
ومدام نهايته هنفترق انا تاني ماستناش

بالنسبالي 
مابقاش فيه حاجه بتربطنا وعليها بخاف 
ده طبيعي الواحد يتغير من كتر ما شاف 
وانا اموت اسهل من اني ارجع تاني واحبك

صعب انا تاني 
اتعشم انك تتغير وف وهم اعيش 
اتعذب ليه وانا بستني ف حاجه مابتجيش 
ده مفيش ولا حاجه هتجبرني اكمل جنبك

اكتر من اللي معاك عملته اعمل معاك تاني ايه 
ولا انت حد مسلطك علي قلبي ف بتإذيه 
ضاع عمري جنبك واتسرق ابعد وسيبني اعيش

من كتر جرحك واللي شوفته لقيتني فجأه قويت 
بقي سهل ابعد واخسرك من قلبي انا استغنيت 
حبك ده كارت واهو اتحرق انت ماحبتنيش