خالد صلاح يروي حكاية زواجه الثاني من شريهان أبو الحسن.. خناقة لرب السما

روى الكاتب الصحفي خالد صلاح تفاصيل زواجه الثاني من الإعلامية شريهان أبو الحسن، وقصة طلاقه من زوجته الأولى، كاشفًا عن رأيه في فكرة الزواج للمرة الثانية، وذلك خلال حلوله ضيفًا على بودكاست "عالهادي فالكلام" مع الإعلامية سالي عبدالسلام.

خالد صلاح: شيري مش زوجة ثانية... هي الحب الحقيقي

قال خالد صلاح:"شيري مش زوجة ثانية، شيري ما تعتبرش زوجة ثانية، يعني شيري تعتبر الزوجة الأولى، لأنها الحب الحقيقي، ممكن أكون أنا، عشان أعترف لك، عشان مش عايز أظلم حد، ممكن أكون أنا ظلمت الأولانية شوية، الـ"إكس"... آه، ظلمتها".

واستكمل حديثه مؤكدًا على تعرض زوجته الأولى للظلم، قائلًا:"يعني ممكن، لأنه كنا صغيرين قوي، وهرولنا إلى الجواز بسرعة، وعملنا كده شوية تشالنجز مع الأسرة والبتاع، لحد ما اتجوزنا وبعدين على طول خلفنا...فأنا ظلمت الأولانية شوية، خليني أعترف... طليقتي اللي جوزتنا، أو هي السبب في الجوازة".

خالد صلاح يكشف بداية العلاقة مع شيريهان أبو الحسن

تحدث عن بداية العلاقة مع زوجته الإعلامية شريهان أبو الحسن قائلا:"أنا كنت بقابل شيري، وبفكر، وصعبانة عليا قوي، قوي، لأنها صغيرة، وحلوة قوي، ولسه ما اتجوزتش...بقى واحد يعني مفلس، عندي عربية دايو لانوس، وساكن في الهرم.. وعندي عيلين، إيه اللي أنا هعمله؟يعني من كتر حبي ليها، كنت عايزها تشق حياتها، بس أنا ما قدرتش، فإيه؟ بنتقابل، وهي إيه؟ بتحبني، وبس بتقول:"أنا مش طالبة حاجة، مش عايزة حاجة"، لحد ما جه في مرة، إحنا اتقابلنا في مكان، وبعدين مشيت بالعربية، وقفت معاها في حتة بوصلها، حد شافنا، قال لطليقتي، فراحت طليقتي مكلمة أمها، فهي لقيت شيري تاني يوم ما جتش الشغل لأنها كانت بتتدرب كمذيعة".

واستكمل، قائلًا: "ما عرفش، برن لها، ما بتردش، برن لها، ما بتردش، خلينا البنات يكلموهم، مافيش، ما بيردوش، فين يا جماعة؟تليفون البيت، كلموا البيت، ردت على البنات، فقالت لهم: "قولوا لخالد حصل كذا كذا".

وتحدث عن ذهابه إلى منزلها، لتوضيح الأمر لأهلها، قائلًا: "رحت، طبعًا خناقة لرب السما، خالاتها موجودين وعمامها،أنا بقى كان شكلي... عارفة إيه؟ يعني مش عارف أقول لك إيه، مبلول ومش جاهز. طب، إنت رايح تعمل إيه؟ لا، رايح أقول لهم: أنا بحبها، وأنا هتجوزها، ومشوا، واللي سمعتوه غلط، واللي قالته الست مش صحيح"، فين بقى؟ جابوا شيري، ومش عارف إيه، خناقة، شيري قالت لهم: "أنا بحبه، وهتجوزه".
"تتجوزيه إزاي؟ قعدنا بقى في الموضوع ده مثلًا إيه؟ رحت خمس ست مرات، عشان إيه؟ أقنع الأسرة بالموضوع، فأمها وافقت، قالت لي: "طب خلاص، إنت عليك كل حاجة." وقد كان... الزواج".