على أساس إني مجنونة ومعنديش ولد زيه، زينة ترد على اتهامها بمحاولة دهس الطفل|فيديو

كشفت الفنانة زينة بتصريحات مثيرة في مداخلة هاتفية مع الإعلامي عمرو أديب عبر برنامج "الحكاية" على شاشة MBC مصر، كشفت فيها عن تفاصيل واقعة تعرض أبنائها لهجوم من كلب شرس داخل ملعب بأحد الكمبوندات السكنية، مؤكدة أنها لن تتنازل عن حق أطفالها وستسلك الطرق القانونية حتى النهاية.

وقالت زينة في بداية حديثها:"هما اتهموني إني بجري بالعربية عشان أخبط الولد، على أساس إني مجنونة ومعنديش ولد زيه، بس الحقيقة إني كنت بجري عشان ألحق فرد الأمن وأسأله ابن مين ده".

"أنا بطالب بحقي بالقانون.. ومفيش حد فوق القانون"

وأضافت:"أنا عملت المحضر وأخدت تحويل على مستشفى الشيخ زايد، للولدين، وطلعلي كشف طبي".

وتابعت:"أنا عايزة أعرف إزاي كلب متوحش وبالحجم ده يمشي مع طفل في السن ده ويدخل بيه ملعب كله أطفال من غير كمامة وغير مرخص ويهجم على ولادي بالشكل ده".

وشددت الفنانة على مطالبتها بالعدالة، قائلة:"أنا عايزة حق ابني وبطالب بحق ابني، المفروض يستنوا لما يحصل مصيبة ويعض ابني، زي الحادث الشهير قبل كده".
أنا بطالب عن طريق حضرتك بتفريغ الكاميرات، لأننا في بلد قانون ومفيش حد فوق القانون، وبطالب بمسؤولية الأب والد الطفل، وهأخد حقي بالقانون، أنا متعودة أخد حقي بالقانون، وكل مسؤول لازم يتحاكم".

مقارنة بقضية ابن محمد رمضان: "ولا هو أحنا بس اللي بنتحاسب؟"

وجهت زينة تساؤلا وقالت: "زي ما عملوا مع ابن محمد رمضان، ولا هو إحنا بس اللي بنتحاسب في البلد دي؟، بناشد السيد رئيس الجمهورية يحط حد للي معاهم فلوس، واللي معاهم حصانة، والمشاهير، حتى أنا".

وعلقت على خطورة تربية الكلاب بطريقة عشوائية: "الكلاب كائنات معندهاش مخ ومبتفهمش، وممنوع يمشي من غير كمامة، أنا عندي كلاب، بس عمري ما أمشي كلب مع عيل أبدًا".

واختتمت زينة حديثها بالكشف عن تأثير الحادث على نفسية أولادها:"عيالي كان عندهم امتحانات ومراحوش الامتحانات من الخضة اللي شافوها".