ريم مصطفى: "جوازي من اللاعب محمد صلاح فرحني"
ريم مصطفى.. تصدرت الفنانة ريم مصطفى، مواقع التواصل الاجتماعي بعد استضافتها في برنامج معكم منى الشاذلي الذي تقدمه الإعلامية منى الشاذلي، وفي السطور التالية يقدم لكم موقع الأيام المصرية تفصيل حلقة ريم مصطفى مع الإعلامية منى الشاذلي.
جوازي من اللاعب محمد صلاح فرحني
علقت الفنانة ريم مصطفى على شائعة زواجها من محمد صلاح، قائلة: "إشاعة جوازي من اللاعب محمد صلاح فرحتني وأنا عمري ما شُفته في الحقيقة، ولكن ضايقني جدا إشاعة إني كنت السبب في طلاق المطربة أصالة وطارق العريان، لأن أصالة حبيبتي وشام صحبتي ودي كانت أول إشاعة تطلع عليا".
وذكرت الفنانة ريم مصطفى، المواصفات الذي تريدها في رجل أحلامها المستقبلي:" بدور على الشخص الحلو وكل ده بس لازم يكون صديق قبل ما يكون زوج ويكون عنده نضج فكري، والحاجات دي دلوقتي مش سهل حد يلاقيها، وارتبطت بأشخاص كتيرة توكسيك أعمل لها كتاب، وده بعيد عن أبو أولادي وأنا مش عاوزة أدخل تجربة فاشلة لأن نفسيًا مش عايزة أكمل في علاقة مش هتضيف ليا سعادة".
ريم مصطفى :" إيه القرف ده، أنا إزاي عملته وحش كدة "
كما ردت ريم على الانتقادات التي تعرضت لها بسبب أدائها في مشهدها الشهير "أنت اللي قتلت ابني يا مجدي"، خلال أحداث مسلسل "سيد الناس"، بطولة الفنان عمرو سعد، قائلة:" الموضوع مر معايا بمراحل في البداية خضتني، ولما شُفت المشهد قُلت إيه القرف ده، أنا إزاي عملته وحش كدة".
وتابعت: " كان عندي ظرف يومها ومتخيلتش إني اطلع بالمنظر ده، ابتديت أقول لنفسي هكتئب ولا أزعل، وكنت كل يوم بصحى أقولهم أنا لسة ترند يقولولي آه، فأروح أنام تاني، لأني كنت عارفة إني هبقى ترند بسبب المشهد".
ريم مصطفى: "الرقص وسيلة لإعادة تنشيط طاقة الأنوثة"
وذكرت ريم أنها قررت العام الماضي الالتحاق بدروس الرقص الشرقي موضحة:" الرقص بالنسبة لي لم يكن مجرد حركة، بل وسيلة لإعادة تنشيط طاقة الأنوثة التي قد تتلاشى وسط متطلبات الحياة والعمل".
وتابعت :"درست الموضوع من ناحية تانية، فكرة إنك تفضلي دايما في طاقة الأنوثة وتنشطيها، إحنا مع صعوبات الحياة وشغلنا تلاقي نفسك طول الوقت قوية وجامدة، لازم حاجة تفكرك بطاقة الأنوثة".