كريم فهمي: زوجتي سر نجاحي الحقيقي وشقيقي أحمد هو السند من الطفولة
كريم فهمي: زوجتي سر نجاحي الحقيقي وشقيقي أحمد هو السند من الطفولة، تحدث الفنان كريم فهمي خلال ظهوره مع الإعلامية لميس الحديدي في برنامج كلمة أخيرة على قناة ON، عن علاقته الأسرية القوية، سواء مع شقيقه أحمد فهمي أو زوجته دانيا البناوي، مؤكدًا أن دعم العائلة كان عاملًا محوريًا في مشواره الفني والإنساني.
علاقة قوية مع شقيقه أحمد فهمي: "كنا دايمًا سند لبعض"
استرجع كريم فهمي ذكريات الطفولة مع شقيقه الأكبر أحمد فهمي، قائلًا: "أنا كنت أشقى منه شوية، بس هو كان شقاوته بتعمل بلاوي ومع كده كنا دايمًا في ضهر بعض".
وأكد أن العلاقة بينهما لا تزال قوية على المستوى الشخصي والفني، وكان من المقرر أن يجتمعا في عمل فني، لكن المواعيد لم تتوافق.
كريم فهمي عن فارس أبو العزم: "مش رومانسي ملزق"
في حديثه عن شخصية فارس أبو العزم في مسلسل وتقابل حبيب، أوضح كريم: "الرومانسية في فارس كانت متوازنة، مكنش ماشي يدلق كلام حب، لإن فيه رجالة بتتفرج كمان، فكنت حريص إنه يبان طبيعي مش شخصية 'ملزقة'."
وأشار إلى أن الشخصية فيها تشابه كبير مع أسلوبه في الزواج، حيث قال: "أنا متجوز من 12 سنة، ولما اتقدمت لـ دانيا كنت رومانسي، بس من غير ما أكون مبالغ فيه".
دانيا... البطلة الحقيقية في حياة كريم فهمي
أشاد كريم بدور زوجته دانيا البناوي، واصفًا إياها بـ"البطلة الحقيقية" في حياته: "لو في حاجة وصلت لها دلوقتي، فالنجاح ده 90% يرجع ليها و10% ليا"، وأضاف: "وقفت جنبي وأنا لا معايا شقة، ولا عربية، ولا فلوس... كنت بنقل من طبيب أسنان لممثل ومؤلف. مين ممكن يتحمل ده؟ إلا لو كانت بتحبك بجد"، وأكد أن دانيا كانت الداعم الأول له في اتخاذ قراراته المهنية الصعبة، وتابع: "كانت بتقولي: لو مش حاسس بالدور ما تعملوش، وهي بتحبني كمؤلف أكتر من كممثل".
عن الغيرة "نضجنا سوا ومع الوقت الأمور اختلفت"
تطرق كريم فهمي إلى موضوع الغيرة في العلاقة الزوجية، قائلًا: "أكيد كنا بنغير، هي كانت بتسألني عن مشاهد معينة، وأنا كمان كنت بغير، بس مع النضج والخبرة الأمور اتغيرت"، وأضاف: "في بداية الزواج، لو حد سلّم عليها وده أول مرة أشوفه، كنت بقول قدامه: مين ده؟ وكنت بحرجها. مع الوقت، بقيت أهدى وهي كمان، وكل واحد فينا نضج مع التاني"، واختتم كريم حديثه عن زوجته دانيا بقوله: "بتختار لبسي، وبتقرأ كل أعمالي، وهي الجندي المجهول في كل نجاح ليا".
