"كنت فاكره رقاصة زنجية"..إطلالة محمد رمضان في كوتشيلا تستفز مرتضي منصور

محمد رمضان ومرتضى منصور، تدخل مفاجئ للمستشار مرتضى منصور في تريند محمد رمضان الأخير، بسبب إطلالته في مهرجان كوتشيلا بملابس تم وصفها من قبل الجمهور ورواد السوشيال ميديا نصًا بـ “بدلة رقص حريمي”.

 عبر المستشار مرتضى منصور، عن استيائه من ظهور محمد رمضان في مهرجان كوتشيلا، واصفًا محمد رمضان بالراقصة الزنجية، وحمل الشعب والجمهور مسؤولية ما وصل له محمد رمضان. 

مرتضى منصور يعلق على إطلالة محمد رمضان 

خرج المستشار مرتضى منصور، من خلال مقطع فيديو على حساباته الشخصية، ليعلق على ظهور محمد رمضان في مهرجان كوتشيلا، قائلًا: “أنا مكنتش مصدق إن ده محمد رمضان، كنت فاكرة رقاصة زنجيه بالترتر اللي لابسه وبدلة الرقص قولت مش ممكن يكون راجل، بس الشعب هو اللي عمل كده، لإن الشعب اللي بيشوفه في الشارع وبيقوله الأسطورة وجعفر العمدة ومحمد صلاح يكلمه كل ده ليه".

وتسأل مرتضى منصور قائلًا:"هو ده الفن المصري؟"، وحمل مرتضى منصور الشعب المصري مسؤولية ما وصل له محمد رمضان من شهرة مزيفه وغرور، قائلًا: “ لذا الشعب هو المتحمل للمسؤولية هو لا يتحمل المسؤولية أنا افتكرته رقاصة زنجية”.

واستكمل مرتضى منصور، عن تجاهل محمد رمضان لردود أفعال الجمهور حول إطلالته في كوتشيلا، قائلًا: وكمان عاملي ستوري إنه مش هامه اللي بيحصل ولا فارق معاه الجمهور والناس اللي غضبانه عليه".

 وأضاف: “طيب بص يا باشا، الشعب ليه يستاهل لأنه بيجري وراه الأمثال دي في الشارع زي دينا رفارف عاوزين نتصور معاها ودي مي القاضي لا مؤاخذة الموضوع بقي مؤرف، يا شعب مصر مين دول”.

وتحدث مرتضى منصور عن تصرفات محمد رمضان المبالغ بها، من نشر حياته الشخصية والتباهي بها، قائلًا: “ طول النهار تبقي تعبان وكادح في الشارع، وهو يطلع يقولك عندي 18 عربية كل واحدة بـ20 مليون"

واختتم مرتضى منصور حديثه مناشدًا جميع المسؤلين بالنقابات الفنية، في اتخاذ القرارات الصارمة ضد محمد رمضان، قائلًا:" لذلك على أشرف زكي، نقيب الممثلين، وهو كان بيكلمني من أسبوع وهو في العمرة وعلي مصطفي كامل لأن هو بيغني ومسعد فودة، نقيب السينمائيين هما المسؤولين”.